غزني ولايتي محلي رسميلري، طالبان گروهي نينگ بو ولايت نينگ “ده يك”تومنيگه قرشي اويشتيريلگن موتربمب هجوميده ملي اردو اوچ ملازمي اولديريلگني و توقيز حربي ياره لنگني ني تصديق لشكن.

غزني ولايت حاكمي سوزچيسي واحدالله جمعه زاده نشانه خبر آژانسي بيلن صحبت ده ديدي طالبان جنگچي لري بوكون(دوشنبه ٣ اسد) تانگ ايرلب ساعت ٣ ده ” ده يك” تومن مركزي و بيرقطار پوسته لريگه هجوم اويشتيرگن. جمعه زاده جنابلري بو هجوملردن سونگ طالبان جنگچيلري پارتلوچي ماده جايلشتيريلگن بير “هاموي” نقليه واسطه ني بو تومن مركزيده پارتلكن.

غزني ولايت حاكمي سوزچيسيگه كوره بو پارتلش نتيجه سيده اردو قوتلري اوپراسيون آمري داخل اوچ ملازم اولديريلگن و توقيز ملازم هم ياره لنگن.

جمعه زاده جنابلري علاوه ايتي بو پارتلش ده عادي اهاليگه صدمه يتكزيلمگن.

اوني معلوم قيليشيچه اوتكن كيچه بو ولايت نينگ رشيدان، جغتو و قره باغ تومنلري هم طالبان جنگچي لري هجوملريگه گواه بولگن و بو هجوملر نتيجه سيده يالغيز قره باغ تومني ده مردمي قوتلردن ايككي كيشي ياره لنگن. اونگه كوره بو توقنشولرده طالبان جنگچي لردن تورت كيشي اولديريلگن.