غزنی-880x550

غزني ده طالبان نينگ ١٥ جنگچي سي اولديريلدي

neshananews

02 July 2020

ملي مدافعه وزيرليگي غزني ولايتي ده امنيتي قوتلر و طالبان جنگچي لري ارا توقنشو يوزبيرگني دن خبر ببرگن.بو توقنشوده طالبان جنگچيلريدن ١٥ كيشي هلاك و ١١ جنگچي ياره لنگي خبرقيلينگن.

مدافعه وزيرليگي نشرايتكن خبرنامه سيده ايتكن طالبان جنگچي لري اوتكن كوني( چهارشنبه ١١ سرطان )غزني مركزيگه تيگيشلي بولگن ” نوغي” و” عاشق وال” منطقه لريده امنيتي قوتلر قرارگاه لريگه قرشي هجوم اويشتيركن. خبرنامه ده طالبان نينگ هجومي امنيتي قوتلر تمانيدن دفع ايتيلگني و ايككي تمان ارا يوزبيرگن توقنشوده “پاكستان يشوچي سي بولگن تورت و اوزبيكستان يشوچي سي بولگن اوچي جنگچي” داخل ١٥ قوراللي طالب هلاك بولگني و ١١ طالب ياره لنگني قيد ايتيلگن.

ملي مدافعه وزيرليگي خبرنامه سيده بو توقنشو يكونيده هجومچي طالبان دن بير كرولا موتر، بيرموترسايكل،ايككي دوربينلي راكت،بير٧٢ ميليمتري توپ، بير كيجه كوروچي دوربين،تورت نيل درازنوف قورال و ببر مقدار مهمات امنيتي قوتلر قوليگه توشكني تاكيدلنگن.

باشقه تماندن غزني ولايتي گه قرشي طالبان تمانيدن قوراللي هجوم احتمالي دن تشويشلر كوپيگن.اما بو ولايت محلي رسميلري ايككي كون آلدين ( سه شنبه ١٠ سرطان) غزني ولايتي ده بو طالبان نينگ احتمالي هجومي الديني آليش اوچون كيركلي چاره تدبير كورگني دن خبربيرگنديلر.