غور ولايتي ده ماين پارتلشي بيركيشي دن جان آليب اون نفرني ياره لنتيردي
neshananews
18 March 2020
غورولايتي محلي اداره سي يول چكه سيده ييرلشتيريلگن ماين پارتلشي عادي اهالي دن بيركيشي جاني ني آلدي.
غور ولايت حاكمي سوزلوچي سي عارف عابر ديدي بو پارتلشده اينگ آز اون عادي اهالي هم ياره لنگن.
بو حادثه بوكون ايرته لب فيروزكوه شهري بره خانه منطقه سيده يوزبيرگن .
غور ولايت حاكمي سوزچي سي گه كوره بو حادثه ده اولديريلگن و جراحت كورگن كيشي لر فلانكوچ توري دن بولگن بير نقليه واسطه بيلن غور دن هرات بارماقچي ايكن.
عابرجنابلريگه كوره حادثه ده ياره لنگن ايككي كيشي احوالي آغير.
ايتيليشيچه طالبان قوراللي لري بو ماين ني تازه ليكده يول چكه سيده جايلشتيريلگن.
يول چكه سيده ماين اورنتيش طالبان گروهي نينگ اساسي اوروش تكتيك لريدن بوليب و هر دايم اوني نتيجه سيده عادي اهالي قربان بولماقده.
