فارياب ولايتي امنيتي قوتلري ايچكي كيليشموچيليك لر سبب طالبان نينگ ايككي قومانداني پشتونكوت اولسوال ليگي ده اولديريلگني دن خبربيرگن.

فارياب امنيه قوماندان ليگي سوزچي سي كريم يورش نشانه خبر آژانسي بيلن صحبت ده ديدي اوزبيك و پشتون طالبان ارا ايچكي و قومي كيليشموچيليك لر نتيجه سيده بو گروه نينگ ايككي قومانداني ” خالد” گه مشهور ذين الله و “حذيفه” گه مشهور محب الله اوتكن كوني (جمعه٢٩حمل) زهرلي ماده وسيله سي بيلن اولديريلگن.

يورش جنابلري علاوه ايتي:” طالبان نينگ بو ايككي قومانداني مردم دن يغيب آلينگن عشر وذكات پول ني تقسيملش اوستيده كيليشه آلمسليك سبب هلاك بولگن.”

فارياب امنيتي مسوللريگه كوره طالبان اوز نظارتلري آستيده بولگن منطقه اهالي لريدن عشر و ذكات عنوان بيلن مردم دن باج آليشه ديلر. يوزش جنابلري فارياب ولايتي ده سونگي وقتلرده طالبان گروهي ارا قومي تعصب و كيليشموچيليك لر كوپيگن ديب ايتي.

گروهي حاضرگه قدر بو باره ده بيران مناسبت بيلديرمگن.