فارياب ولايتي دولت آباد اولسوال ليگي ده اوتكن آقشام دولت مخالف قوراللي لري تمانيدن بير داروخانه گه تشلنگن قول بامبه پارتلشي بيركيشي دن جان آليب آلتي كيشي ني جراحتي گه سبب بولدي.

فارياب پوليسي سوزلوچي سي كريم يورش بو خبرني تصديق لب ايتي: ” دولت آباد تومني مركزيده جايلشكن بير داروخانه ايچكريسيده تشلنگن قول بامبه پارتلشي سبب داروخانه ايگه سي اولديريليب عادي اهالي دن آلتي كيشي ياره لندي”٠

يورش جنابلريگه كوره بو واقعه دن سونگ پوليس واقعه عاملي ني حبس ده آلگن . طالبان گروهي اعضا سي بولگن بو كيشي داروخانه شفاكاري بيلن شخصي خصومتي بولگني سبب بو عمل ني بجرگن.

ميمنه – اندخوي شاه يولي اوستيده جايلشكن دولت آبادتومني، فارياب ولايتي ني ناتينچ حدودلريدن بولگن.

طالبان گروهي حاضرگه قدر بو باره ده بيران نرسه ايتمگن.