فارياب ولايت حاكمي مطبوعات دفتري باشليغي فارياب مركزي ميمنه شهريده كرونا ويروسي گه چلينگن ايلك شبهه لي شخص رويخط ده آلينگني دن خبر بيرگن.

معلومات لرگه كوره ايككي كون آلدين ايران نينگ قم شهريدن ميمنه شهريگه كيلگن ١٩ ياشلي بير ياش نينگ قان نمونه سي مركزگه جونتيلگن و اوزي هم قرنطين ده آلينگني ني محلي رسمي لر ايتكن.

فارياب ولايت حاكمي مطبوعات مسولي احمد جاويد بيدار بو خبرني تصديق لب نشانه خبر آژانسي گه ديدي:

” بو ياش فارياب عامه ساغليك اداره سي تمانيدن قرنطين بوليب قان نمونه سي مركز گه جونتيلگن و بير نتيجه ني كوتماقده ميز”.

بو شخص قان نمونه سي مثبت بولگن تقديرده فارياب افغانستان نينگ ايككنچي ولايتي ديركه اونده كرونا ويروسي نينگ بير مثبي واقعه رويخط ده آلينه دي.
بوكون اوزبيكستان جمهوريتي افغانستان بيلن حيرتان ده گي رسمي چيگره سيني نامعلوم وقت گه چه باردي كيلدي يوزيگه ياپدي.