فارياب محكمه سي جزا ديواني ريسي ترور بولدي
فارياب ولايتي محكمه سي جزا ديواني ريسي غلام فاروق فقيري بوكون ايرته لب ميمنه شهريده تانيلمگن قوراللي لر تمانيدن آتيب اولديريلدي.
فارياب پوليس باشليغي سوزلوچي سي محمدكريم يورش ني نشانه خبر آژانسي گه بيرگن معلوماتيگه كوره قاضي غلام فاروق فقيري بوكون تانگ ايرته لب اوي دن چيقيب مسجد تمان باره ياتگان پيتده تانيلمگن كيشي لر تمانيدن نشان گه توتيليب اولديريلگن. حاضرگه قدر بو حادثه يوزيدن هيچ توتقين ده آلينمگن.
يورش جناب لري ، امنيتي و كشفي ارگانلر قاتللرني قولگه آليش اوچون تحقيقات باشله گني ني ايتيب حاضرگه قدر بو ترور سببي معلوم ايمس ديب ايتكن.