فاریاب ولایتی گرزیوان اولسوال لیگی محلی منبع لری، بیر قیز، آته سی تمانیدن دهشتلی طرزده اولدیریلگنی دن خبر بیرگن.

گرزیوان تومن حاکمی فیض الله رحمانی نشانه خبر آژانسی گه ایتکن ” طالبان قوراللی لری بیر قیز و اوغیل یاش نی ناقانونی علاقه قورگنی عیبولی بیلن، بواولسوال لیک ده صحرایی محکمه قیلگن”.

رحمانی جنابلری بو قیزنینگ آته سی طالبان بویروغی اساسیده قیزی نی دهشتلی طرزده سویب اولدیرگن دیب ایتی.

عینی حالده فاریاب پولیسی سوزلوچی سی کریم یورش بو قضیه حقیده نشانه خبر آژانسی گه بوندای معلومات بیردی:” طالبان گروهی ۲۵ یاش ده بولگن بیر قیزنی گرزیوان تومنی نینگ “غُلبیان” قشلاقیده ۲۰ یاشده بولگن بیر اوغیل باله بیلن ناقانونی علاقه قورگنی سبب، صحرایی محکمه قیلیب کین قیزنی آته سی،  قیزی نی تیشه و پیچاغ بیلن اولدیرگن. یورش جنابلریگه کوره طالبان یاش اوغیل نی هم ایاغ لرینی تیشه بیلن سیندریب وبرماق لرینی هم کیسیب تشله‌گن دیب ایتی.

بیرییل دن بیری گرزیوان تومنی نینگ غُلبیان قشلاقی قوراللی طالبان نظارتی آستیده دیر.

فاریاب پولیسی سوزچی سی” طالبان صحرایی محکمه لرینی محل میدانی ده اوتکزه‌دیلر.قضیه عامل لری پولیس تعقیبی آستیده دیر و هر وقت قیزنینگ آته سی دولت کنترولی آستیده بولگن محل گه کورینسه توتقین ده الینه‌دی” دیب ایتی.

ناموسی قتل لر، افغانستان ده عیاللرگه قرشی سیده تورگن اینگ اساسی معما دیر و بو موضوع هرکونی افغان عیال لردن قربانلیک آلماقده.

ناموسی قتل لر قضیه لری، عموما دولت کنترولی بولمگن منطقه لرده یوزبیریشی اوچون افغانستان محکمه لری تمانیدن کوریب چیقلمیدی. شونینگ دیک ایریم قضیه لر ایسه دولت مخالف قوتلری وسیله سی بیلن قانلی روش ده حل ایتله‌دی.

 گرزیوان اولسوال لیگی ده یوز بیرگن بو واقعه حقیده طالبان گروهی حاضرگه قدر بیران نرسه ایتمگن.