فاریاب ولایتی محلی رسمیلری اوتکن ۲۴ ساعت دوامی ده بو ولایت ده کرونا ویروسی یوقتیرگن اوچ مثبت واقعه میمنه شهریده رویخط ده آلینگنی نی اعلان ایتکن. رسمیلرگه کروه بو اوچ واقعه دولتی کسلخانه نینگ بیر پرستاری و عایله سی نینگ ایککی اعضاسی بولگن.

فاریاب ولایت حاکمی نقیب الله فایق کرونا ویروسی نی یوقتیرگن بو اوچ بیمار میمنه کسلخانه سیده ایجاد ایتیلگن مخصوص مرکزده انتقال بیریلگنی و شفاکارلرنظری استیده ایکنی نی تاکیدلشکن.

فاریاب ولایتی عامه ساغلیک اداره سی مسولی بو پرستارنینگ باشقه عایله اعضاسیدن هم نمونه آلینگنی دن خبر بیریب اونی نتیجه سی حاضرگه قدر معلوم ایمس دیب ایتکن.

فاریاب ولایت حاکمی بو اوچ ینگی واقعه رویخط ده آلینگنی بیلن میمنه شهری فوق العاده حالت باسقیچی گه کیرگنی نی تاکیدلب بو ولایت یشوچی لری ساغلیک نی سقلش توصیه لریگه عمل قلیش دن علاوه ضرور بولمگن باردی کیلدی دن وازکیچیش لری کیرک بولگنی نی طلب ایتکن.

 فایق جنابلری علاوه ایتی کرونا ویروسی نی یوقتیرگن بو اوچ بیمار، احتمال میمنه شهریده اونلب کیشی بیلن تماس ده بولیب و شونینگ اوچون کرونا ویروسی میمنه شهریده اجتماعی گردش حالت ده بارگن.

 فاریاب ده بو اوچ ینگی واقعه رویخط ده آلینگنی بیلن بو ولایت مثبت واقعه لر سانی ۷ کیشی گه یتی.