ملی اردونینگ افغانستان غربیده‌گی مسوللری فراه ولایتی ده طالبان گروهی نینگ تورت جنگچی سی اولدیریلگنی دن خبربیرگن. بو جنگچی لرپشترود اولسوال لیگی ده ملی اردونینگ تامینات کاروانی گه اویشتیرگن هجوم چاغیده هلاک بولگن.

افغانستان غربیده‌گی ظفر قول اردوسی سوزچی سی سیدآقا حسینی گه کوره بو هجوم اوتکن کونی( سه شنبه ۱۹حمل ) پشترود تومنی « پل ریگی » و«گسگین» قشلاق لری حدویده یوز بیرگن. حسینی جنابلری بو هجوم دن سونگ ایککی تمان ارا یوزبیرگن توقنشوده طالبان جنگچی لریدن بیرکیشی هم یاره لنگن دیدی.

ملی اردو مسوللری بو توقنشوده امنیتی قوتلر و عادی اهالی گه تلفات یتکزیلمگنی نی هم تاکیدلشدی.

 قریب ۳۰ کیلومتر فراه شهریدن فاصله سی بولگن پشترود تومنی فراه مرکزیگه اینگ یقین اولسوال لیک دیر. بو تومن سونگی ییل لرده کوپگینه  ناتینچ لیک لرگه گواه دیر.