قندهارولایتی امنیتی مقاملریگه کوره طالبان جنگچیلری معروف و ارغستان تومنلری نینگ نیچه پولیس پوسته لریگه قرشی هجوم اویشتیرگن. رسمی لر بو پوسته لربرچه سی دفع ایتیلب و طالبان جنگچیلریگه آغیر تلفات یتکزلگنی ایتکن.

قندهارپولیسی تمانیدن بو کون‌(پنجشنبه ۱۰ میران ) نشر ایتیلگن خبرنامه ده طالبان جنگچی لری اوتکن شام ارغستان تومنی « جهانگیر» قشلاقی ده‌گی نیچه پوسته گه هجوم اویشتیرگنی تاکیدلب بو هجوم ده طالبان جنگچی لریدن ۱۲ کیشی اولدیریلیب و اوچ جنگچی هم یاره لنگن دیگن.

قندهارپولیسی شونینگ دیک طالبان جنگچی لری معروف تومنی نی پولیس پوسته لریگه هم هجوم اویشتیرگنی ایتب طالبان بو هجوم ده آغیر تلفات کورگنی دن سونگ محل دن ترک ایتکن دیب ایتکن.خبرنامه ده ایتیلشیچه ایککی تمان ارا یوز بیرگن توقنشوده طالبان نینگ اوچ جنگچی سی اولدیریلیب و ایککی جنگچی سی جراحت لنگنی تاکیدلنگن.

خبرنامه ده بو ایککی هجوم و توقنشو جریانیده پولیس قوتلریگه یتکزیلگن احتمالی تلفات حقیده بیران نرسه ایتیلمگن. طالبان گروهی هم حاضرگه قدر بو حقده بیران نرسه ایتمگن.

طالبان نینگ بو هجوم لری اوندای بیرحالده اویشتیریلگن که افغانستان دولتی و و طالبان گروهی مذاکره قیلوچی هیات لری ارا یوز مه یوز مذاکره لر قطر ده دوام ایتماقده.ایککی تمان ۱۸ کون دن بیری مملکت ده ۴۰ ییل لیک اوروش نی یکونلنتیریش یوللری حقیده بحث و مذاکره لرینی دوام ایتیرماقده لر.