قندهارولایتی امنیه قوماندان لیگی، بو ولایت ده امنیتی قوتلر و طالبان گروهی ارا توقنشولرده اینگ آز طالبان نینگ ۸۰ جنگچی سی اولدیریلگنی دن خبر بیرگن.

قندهار پولیس بوکون ( پنجشنبه ۱۳ قوس) نشر ایتکن خبرنامه سیده، بو جنگچی لر اوتکن ۲۴ ساعت جریانیده قندهار ولایتی نینگ معروف، پنجوایی، ژیری و دند تومن لریده اولدیریلگنی نی تاکیدلشکن.

خبرنامه گه کوره معروف تومنی ده طالبان نینگ ۱۸ جنگچی سی، پنجوایی تومنیده ۲۳ جنگچی سی، ژیری تومنیده ۳۷ جنگچی سی و دند اولسوال لیگی ده هم بوگروه نینگ ۷ جنگچی سی هلاک بولگن. بو جنگچی لر ملی اردو و پولیس قوتلری قرارگاه لریگه قرشی هجوم اویشتیرگندن سونگ امنیتی و مدافعوی قوتلر تمانیدن نشان گه توتیلگنی خبرنامه ده اورغولنگن.

قندهار امنیه قوماندانلیگی خبرنامه سیده بو توقنشولر جریانیده طالبان جنگچی لریدن ۱۸ کیشی هم یاره لنگنی قید ایتیلگن.

قندهار ولایتی ده ایککی آی دن بیری امنیتی قوتلر و طالبان گروهی جنگچیلری ارا توقنشولر شدت آلگن. بو گروه جنگچی لری قندهارولایتی ارغنداب تومنی نی باسیب آلیش ده سعی قیلدی اما کوپلب تلفات بیریب آرقه گه چیکینیش گه مجبور بولدی.

طالبان گروهی قطر پایتختی دوحه ده افغانستان دولتی نماینده لری بیلن یوز مه یوز مذاکره لرنی باشلشی بیلن عینی زمانده مملکت ده زوروانلیک و توقنشولرنی هم شدت بیردی. حربی متخصص لر تینچلیک سوزلشولر بیلن عینی زمانده زوروانلیک لرنی شدت آلگنی نی، مذاکره میزی دن کوپراق امتیاز کسب ایتیش اوچون سعی و حرکت دیه بهالشکنلر.