كرونا ويروسي ني يوقتيرگن لر ساني ١٧٤ گه يتي
افغانستان عامه ساغليك وزيرليگي “كويد١٩” ويروسي ني يوقتيرگن لر ساني مملكت ده كوپيگني دن خبر بيردي.
رسميلرگه كوره اوتكن ٢٤ ساعت ده ٢٩مثبي واقعه هرات ، قندهار، نيمروز و داكنيدي ولايت لرده ثبت بولگن، بوندن ٢٥ واقعه سي هرات گه تيگيشلي كه ١٧كيشي سي ايركك و ٨ كيشي سي عياللر بولگن.
عامه ساغليك وزيرليگي سوزچي سي وحيد مايار ينگي واقعه لردن ٢ قندهار ، ١ وواقعه نيمروز و ١ واقعه دايكندي ولايت لريدن مثبت بولگني ني ايتيب تازه ثبت بولگن بو ٢٩مثبت واقعه بيلن مملكت ده كرونا ويروسي ني يوقتيرگن لر ساني توپلم ١٧٤ كيشي گه يتكن ديدي.
بو مثبت واقعه لر مملكت ني ١٦ ولايتي ده رويخط ده آلينگن، بوندن ٧٠ فايزي هرات ولايتي گه تيگيشلي دير.
عامه ساغليك وزيرليگي اعلان ايتكن رقم گه اساسا” حاضرچه هرات يشوچيلريدن ١٣١ كيشي كرونا ويروسي ني يوقتيرگن.هرات دن سونگ كابل ايككنچي درجه دن تورگن. عامه ساغليك وزيرليگي ني ايتيشچه تورت خارجي عسكر داخل كابل ده ١٠ مثبت واقعه ثبت بولگن.