كندز ولايتي امنيتي مسوللريني ايتيشيچه اوتكن بير آي مدتيده ٢٣ كيشي جنايي جرملر و ٧ كيشي هم مخدره ماده لر قاچاقي و ساتيشي عيبلوي بيلن توتقين ده آلينگن.

قندوز پوليسي سوزچيسي هجرت الله اكبري بوكون ( سه شنبه ٧ اسد) نشانه خبر آژانسي بيلن صحبت ده ديدي: ” ٢٣ كيشي قتل، كلتكلنيش، اوغريليك، زوروانليك و مردم نينگ اذيت قيليشي عيبلوي بيلن ٢٣ كيشي توتقين ده آليندي.” اونگه كوره ٧ كيشي هم تابليت ” كا” شيشه و هيرويين ساتيش و قاچاقي عيبلوي بيلن حبس ده آلينگن. كندز پوليسي سوزچيسيگه كوره بو شخصلر نيچه عمليات نتيجه سيده حبس ده آلينگن.

اكبري جنابلري علاوه ايتي توتقين ده آلينگ بو شخصلر دوسيه لري دستلب كي تيكشيرولردن سونگ عدلي وقضايي اداره لرگه يوباريلگن.

باشقه تماندن كندز ده مخدره ماده لر معتادلر ساني كوپ بولگني و شهر خيابانلريده گروهي شكلده باردي كيلديلري اهالي ني خواتيرگه سالگن.

ولايت اهالي سيگه كوره كندز ولايتي نينگ بعضي منطقه لري مخدره ماده معتادلري مركزي گه ايلنگن.