مملكت شمالي ده بير قانلي پارتلش آلدي آليندي
neshananews
22 March 2020سمنگان ولايتي ملي امنيت اداره سي پارتلوچي ماده و اونلب يول چكه سيده اورنتيله ياتگان ماين دن توله بير نقليه واسطه قولگه آلينگني دن خبر بيردي.
سمنگان ولايت حاكمي سوزچيسي صديق عزيزي نشانه خبر آژانسي بيلن صحبتده ديدي:
“سمنگان ملي امنيت اداره سي اونلب ماين و پارتلوچي ماده دن توله بولگن بير نقليه واسطه ني سمنگان- بلخ شاه يولي دن قولگه آليش گه موفق بولگن.”
صديقي جنابلري دولت قوراللي مخالف لري بو پارتلوچي ماده لرني بلخ ولايتي چهاربولك تومني دن آرتيب اوني بغلان و قندوز ولايت لريگه انتقال بيرماچي ايدي اما سمنگان ولايتي حضرت سلطان تومني حدويدي دن قولگه آليندي ديب ايتي.
بو پارتلوچي ماده لر انتقالي عيبلوي بيلن سمنگان امنيتي قوتلري بيركيشي ني هم توتقين ده آلگن.
بو پارتلوچي ماده لر اونداي بيرحالده قولگه آليندي كه طالبان افغانستان ده زوروانليك لر كميشي دن سوزبيرگندي.
