هرات ده بير پوليس ضابطي ترور بولدي
neshananews
18 March 2020بوكون ايرته لب موترسايكل ده بولگن قوراللي لر بير پوليس ضابطي ني هرات ده آتيب اولديرديلر.
هرات ولايتي پوليس سوزچي سي عبدالاحد وليزاده گه كوره بو واقعه هرات شهري آلتينچي ناحيه سيده يوزبيرگن.
وليزاده ني معلوم قيليشيچه هرات پوليسي ياشلر جرملريني تيكشيروچي اداره باشليغي ايرته لب ايش محلي گه باريش چاغيده قوراللي لر تمانيدن نشان گه توتليب اولديريگن. پوليس گه كوره بو واقعه عامللري محل دن قاچيش گه موفق بولگن.
حاضرگه قدر هيچ بير شخص يا گروه بو واقعه مسوليتي ني اوز بوينيگه آلمگن. هرات ده انچه ييللردن بيري يوز بيريب كيله ياتكان ترورلر بو شهرقرشي سيده تورگن اينگ كتته معما دبر.
