هرات ولایتی « شیدایی» شفاخانه سی نینگ قریب ۵۰ شفاکار و ساغلیک نی سخلش ملازملری آیی لیک لری تولنمس لیکی اوچون ایشتشلش گه قول اورگن لر. بو شفاخانه، هرات ولایتی ده کرونا ویروسی نی یوقتیرگن بیمارلرنی سخلش و دوالش اوچون ییریک مرکز حسابلندی. بو کسلخانه شفاکار و ملازملرینی ایتشیچه بو ولایت ده کرونا ویروسی نینگ ایلک واقعه سی رویخط ده آلینگن دن حاضرگه قدر بو مرکز خادم لریدن هیچ کیشی آی لیک آلمگن.

  بو شفاخانه ملازم لری بوکون( شنبه ۲۷ ثور) ایشتشلش باشلب ومعاش و آی لیک لرتولنمسه قیته فعالیت قیلیش ده حاضر ایمس میز دیب آگاه لتیرگن لر. بو ایشتشلش اشتراکچی لریدن بیری احمد شیرزاد، رمضان هیتی یتیب کیلیشی گه قرگنده، معاش گه ضرورت میزبار و معاش و پول بولمگنده هیتی عرفه سیده عایله میز ضرورت لرینی تامین لی آلمیمیز دیب ایتی.شونینگ دیک شفاخانه خادم لریدن ینه بیری محمد هم بو شفاخانه شفاکار و خادم لری تمانیدن باربار یولگه قویلگن اعتراض لرگه قرگنده هنوز هم بو خادم لرنی معاش و آی لیک لری تولنمگن. او علاوه ایتی رمضان هیتی عرفه سیده بو شفاخانه خادم لری تقدیری هلی هم نامعلوم دیر.

 هرات ولایتی « کووید۱۹» شفاخانه سی شفاکار و خادملری نینگ ایشتشلش لری اوندای بیرحالده باشلنگن که هرات ولایتی عامه ساغلیک اداره سی مسوللری بو خادم لر معاش و آی لیک لری تولنیشی اوچون سعی و حرکت لردوام ایتیب باریشی دن خبر بیرگن. هرات عامه ساغلیک اداره سی سوزچی محمد رفیق شیرزی ساغلیک نی سقلش ملازم لری معاش و آی لیک لری تولنیشی ده بیرقطار ادرای معما و قیینتچلیک لر موجود بولگنی نی تصدیق لب دیدی اداری بوروکراسی وپول آلیش اوچون ایریم کودلرنی اوزگریشی بو معما نینگ یوزه گه چیقیشی گه سبب بولگن .او، بو مرکز ملازملری آی لیک لرنی تولش اوچون هرات عامه ساغلیک اداره سی  حسابی ده ییترلیچه بودجه موجود ایکن نی ایتیب اما بیرقطار اداری معمالربرطرف ایتیلشی اوچون بیر آز وقت کیرک دیردیدی. شیرزی جنابلری، شو حاضر هرات عامه ساغلیک اداره سی مسوللری بو معمانی برطرف ایتیش اوچون هرات حاکمی و مستوفیت اداره سی مسوللری بیلن مذاکره قیلماقده و یقین کیله جکده بو معما برطرف ایتیلیشی دن ایشانچ بیلدیردی.

 شو حاضر هرات ولایتی ننیگ شیدایی یا « کووید۱۹» شفاخانه سیده کرونا ویروسی نی یوقتیرگن ۵۵ بیمار سخلنماقده. بو مرکزده انتقال بیریلگن اکثر بیمارلرنی ساغلیک وضعیتی اونچه لیک قانعقرلی ایمس و بو بیمارلر عایله لری اگر شفاخانه ملازم لری ایشتشلش لری دوام ایتی بارسه بیمارلری ساغلیکی خطربیلن یوزمه یوز بولیشی دن تشویش اظهار ایتکن لر.

 هرات ولایتی عامه ساغلیک ادراه سی معلوماتی گه کوره ، حاضرچه بو ولایت ده کرونا ویروسی نی یوقتیرگن ۱۰۶۷ مثبت واقعه رویخط ده آلینگن.