هلمندده یۉل چکهسیدهگی ماین اوچ کیشی نینگ حیاتیگه ضامن بۉلدی
هلمند خوفسیزلیک خدمتی خادملری ولایت مرکزیدهگی لشکرگاهشهریده یۉل چکهسیدهگی ماین پارتلشی نتیجهسیده اوچ کیشی هلاک بۉلگنینی و تۉرت کیشی جراحت آلگنینی تصدیقلهماقده.
هلمند پولیس قوماندانلیگی سوزچیسی محمد زمان همدرد نینگ نشانهخبرآژانسیگه ایتیشیچه، پارتلش بوگون (دوشنبه ۲۱ سرطان) اېرتهلب ساعت ۰۸:۰۰ اطرافیده لشکر گاه اوچینچی خوفسیزلیک حوزهسی بولان حدودیده صادر بۉلگن.
جناب همدرد نینگ قۉشیمچه قیلیشیچه، اوشبو حادثهده اهالینی آلیب کېتهیاتگن ریکشا یۉل چکهسیده جایلشتیریلگن ماینگه دوچ کیلگن. اونگه کۉره، پارتلش نتیجهسیده اوچ کیشی هلاک بۉلیب و ینه تۉرت کیشی جراحت آلگن.
هلمند ولایتی پولیس سوزچیسی جراحت آلگنلر آرهسیده ایکّی عیال بارلیگینی ایتدی.
هېچ بیر گروه پارتلش مسوولیتینی اۉز ذمّهسیگه آلمهگن.
بوگون اېرتهلب خودّی شوندهی پارتلش پکتيا ولایتی مرکزیده هم صادر بۉلدی. پارتلش نتیجهسیده بیر پولیس منصبداری اوزجانیني قولدن بیردی.