١٠٥ ينگي واقعه؛ اوتكن ٢٤ ساعتده كروناويروسي ني يوقتيرگن فقط بير بيمار عالم دن اوتدي
neshananews
28 July 2020عامه ساغليك وزيرليگي اعلان قيليشيچه اوتكن ٢٤ ساعتده كروناويروسي ني يوقتيرگن ١٠٥ ينگي واقعه رويخط ده آلينگن.
بو ينگي واقعه لر رويخط ده آلينيشي بيلن مملكت ده بو ويروس گه چلينگن لر ساني توپلم ٣٦ مينگ و ٣٦٨ كيشي گه يتكن.
عامه ساغليك وزيرليگي بوكون (سه شنبه ٧ اسد) كروناويروسي كونده ليك راپوريني نشرايتيب اوتكن ٢٤ ساعتده فقط بير بيمار عالم دن اوتكني دن خبربيرگن.
بو بيلن حاضرگه قدر عالم دن اوتكن بيمارلر توپلم ساني بيرمينگ و ٢٧٠ كيشي گه يتكن. شونينگ ديك عامه ساغليك وزيرليگي معلوماتيگه مطابق اوتكن بيركيچه كندوز ده بو ويروس ني يوقتيرگن ١٦٠ كيشي هم ساغلگن و مملكت بويلب ساغلگن لر ساني ٢٥ مينگ و ٣٥٨ كيشي گه يتكن.
معلوماتلرگه كوره اوتكن ٢٤ ساعت ده عامه ساغليك وزيرليگي لابراتوارلريده توپلم ٤١٦ شبهه لي نمونه تيكشيريلگن.
