١٨ كيشي وفاتي؛ اوتكن ٢٤ ساعت دواميده كرونا ويروسي ٥٨٢ مثبت واقعه سي
neshananews
06 June 2020عامه ساغليك وزيرليگي، اوتكن ٢٤ ساعت دواميده كرونا ويروسيني يوقتيرگن٥٨٢ مثبت واقعه رويخط ده آلينگني دن خبر بيردي.
بو ينگي مثبت واقعه لر بيلن بوتون مملكت ده كرونا ويروسي ني يوقتيرگن لرساني ١٩ مينگ و ٥٥١ كيشي گه يتكن.
عامه ساغليك وزيرليگي بوكون ( شنبه ١٧ جوزا) كرونا ويروسي كونده ليك رقملريني اعلان ايتيب اوتكن ٢٤ ساعت ده مملكت لابراتوارلريده ١٣ ولايت دن ٧٦١ شبهه لي واقعه تيكشيريلگني دن خبر بيرگن. بو آره دن ١٦١ كيشي كابل ده، ١٩٣ كيشي هرات ده، ١٠٧ كيشي نيمروز ده، ٤٦ نفر بلخ ده، ٢٣ نفر ننگرهارده، ١٥ كيشي لغمان ده، ١٤ كيشي غور ده، ٧ كيشي قندهار ده، ٦ كيشي ارزگان ده، ٥ كيشي كنر ده، ٢ – ٢ كيشي نورستان و هلمند ده و بير كيشي هم پكتيا ده كرونا ويروسي ني يوقتيرگن.
عامه ساغليك وزيرليگي معلوماتيگه كوره اوتكن ٢٤ ساعتده ٦٨ كيشي ساغلگن و ١٨ كيشي هم عالم دن اوتكن. مملكت ده حاضرگه قدر كرونا ويروسي سبب عالم دن اوتكن لر ساني توپلم ٣٢٧ كيشي و ساغلگن لر رقمي بير مينگ و ٨٣٠ كيشي گه يتكن.
