عامه ساغليك وزيرليگي ني اعلان قيليشيچه اوتكن بير كيچه كندوز ده كروناويروسي ني يوقتيرگن ٣١٩ مثبت واقعه رويخط ده آلينگن. بو ينگي واقعه لر بيلن بوبيمارليك گه چلينگن لر توپلم ساني مملكت ده ٣١ مينگ و ٨٣٦ كيشي گه يتكن.

عامه ساغليك وزيرليگي بوكون ( چهارشنبه ١١ سرطان ) كروناويروسي كونده ليك خبرلريني نشرايتيب اوتكن ٢٤ ساعتده بيرمينگ و ٥٢٠ بيمار ساغلگني ني اعلان ايتي.مملكت بويلب بو بيمارليك دن ساغلگن لرساني توپلم ١٥ مينگ و ٦٥١ كيشي بولگن.

شونينگ ديك عامه ساغليك وزيرليگي گه كوره اوتكن ٢٤ ساعتده كرونا ويروسي ني يوقتيرگن ٢٨ بيمارهم اوز جاني ني قولدن بيرگن.حاضرگه قدر مملكت ده كرونا ويروسي سبب٧٧٤كيشي  عالم دن اوتكن.

معلوماتلرگه كوره اوتكن ٢٤ ساعت ده كرونا ويروسي گه چلينگن ٦٧٨ شبهه لي واقعه عامه ساغليك وزيرليگي لابراتوارلريده تيكشيريلگن.