٣٢٤ ينگي واقعه؛ اوتكن ٢٤ ساعت ده كرونا ويروسي ني يوقتيرگن ٢٠ كيشي اوزجاني ني قولدن بيردي
neshananews
23 June 2020عامه ساغليك وزيرليگي ني اعلان قيليشيچه اوتكن ٢٤ ساعت ده كرونا ويروسي گه چلينكن ٣٢٥ ينگي واقعه رويخط ده آلينگن. بو ينگي واقعه لر رويخط ده النگني بيلن مملكت ده كرونا ويروسي ني يوقتيرگن لر ساني توپلم ٢٩ هزار و ٤٨١ نفرگه كوپيدي.
عامه ساغليك وزيرليگي بوكون( سه شنبه ٣سرطان) كروناويروسي كونده ليك معلوماتلريني نشرايتيب اوتكن ٢٤ ساعت ده بو ويروس ني يوقتيرگن ٢٠ كيشي عالم دن اوتكني ني اعلان ايتي.بو بيلن مملكت ده بو ويروس سبب اوزجانلريني قولدن بيرگن لر توپلم ساني ٦٨١ كيشي گه يتي.
عامه ساغليك وزيرليگي معلوماتيگه كوره اوتكن بير كيچه كندوز ده ٤١٩ بيمار هم ساغلگن و ساغلگن لر توپلم رقمي حاضرگه قدر ٩ مينگ و ٢٦٠ كيشي گه يتكن.
