افغانستان تشقی ایشلروزیرلیگی، افغانستان توپراقی دن هندوستان مملکتی پاکستان گه قرشی استفاده قیلگنی گه دایر بو مملکت اردوسی ادعاسینی اساس سیزاته گن. تشقی ایشلروزیرلیگی عینی دمده بو مملکت توپراقیده تروریستی گروه لر پناهگاه لریگه قرشی جدی حرکت قیلیشی نی طلب ایتکن.

افغانستان تشقی ایشلروزیرلیگی بوکون ( یکشنبه ۲۵ عقرب) نشر ایتکن اعلامیه سیده پاکستان اردوسینی بو توغریده‌گی ادعاسینی اساس سیز اتگن. اوتکن کونی پاکستان اردوسی سوزچیسی جنرال بابر افتخار بیر خبری یغین ده هندوستان افغانستان توپراقی آرقلی پاکستان گه قرشی فایده لنماقده دیب ادعا قیلگندی.

تشقی ایشلروزیرلیگی اعلامیه سیگه کوره افغانستان تروریسم قربانی دیر و برچه تروریسیتی گروه لر بیلن کورشیب کیلماقده. بو اعلامیه ده افغانسنان جمهوریتی افغانستان توپراقی دن باشقه مملکت لرگه قرشی فایده لنیش گه هیچ بیر مملکت گه اجازت بیرمس لیگی هم تاکیدلنگن.

اعلامیه نی بیر قسمیده، پاکستان اردوسی سوزچیسی ننگرهار ولایتی قوم باشلیغی « فریدون خان مومند» نی پاکستان نینگ پشاور شهریده یوز بیرگن بیر تروریستی هجوم ده دخلدار بولگنی گه دایر ادعاسی نی هم بوتکل ناتوغری ایکنی تاکیدلنگن. پاکستان اردوسی سوزچیسی شونینگ دیک بو قوم باشلیغی هندوستان حمایتی بیلن پشاورشهری زراعت عالی اوقویورتیده تروریستی هجوم نی یولگه قویگنی نی ادعا قیلگندی.

افغانستان تشقی ایشلروزیرلیگی بو اعلامیه سیده تروریسم گه قرشی کورش نی افغانستان تشقی سیاستی مهم اولویتی بولگنی نی تاکیدلب پاکستان دن تروریسم گه قرشی قوشمه کورش اوچون اوز وعده لریگه عمل قیلیش نی طلب ایتکن. بو اعلامیه ده شونینگ دیک پاکستان توپراقی ده فعال بولگن دهشتگر کوچ لر قرارگاره لریگه قرشی جدی مناسبت کورستیشی نی طلب ایتکن.

اعلامیه ده شونینگ دیک بیرلشکن ملت لر تشکیلاتی خوفسیزلیک کینگاشی بیر صلاحیت لی هیاتی منطقه ده تروریسیتی فعالیت لر وضعیتی نی تیکشیریشی هم تکلیف بولگن. تشقی ایشلروزیرلیگی اعلامیه سیده بو هیات ماموریتی دایره سیده پاکستان نینگ بو ادعالری تیکشیریلیشی هم اورته گه قویلگن.

پاکستان تمانیدن بو ادعا اوندای بیرحالده بو مملکت اردوسی تمانیدن ینگره ماقده که پاکستان باش وزیری عمران حان تورت کون دن سونگ یعنی کیله سی پنجشنبه ۲۹ عقرب کابل گه سفر قیلماقچی. افغانستان تشقی ایشلروزیرلیگی پاکستان اردوسی نینگ بو ادعا سی نی عمران خان نینگ کابل گه سفری عرفه سیده ناقولی دیب بهالشکن.