کرونا ویروسی؛ هرات ده بو ویروس نی یوقتیرگنلرسانی ۴۰۰ کیشی گه یتی
neshananews
27 April 2020هرات ولایتی عامه ساغلیک اداره سی مسوللری، کرونا ویروسی نی یوقتیرگنلر سانی بو ولایت ده ۴۰۰ کیشی دن آشکنی نی اعلان ایتیلر.
هرات عامه ساغلیک اداره سی سوزچی سی محمد رفیق شیرزی نشانه خبرآژانسی بیلن صحبت ده دیدی اوتکن ۲۴ ساعت ده کرونا ویروسی نی یوقتیرگن ۳۳ مثبت واقعه رویخط ده الینگنی بیلن بو ویروس نی یوقتیرگنلر سانی بولایت ده ۴۲۳ گه یتکن. شیرزی جنابلری تازه لیک ده کرونا ویروسی نی یوقتیرگن ۳۳ کیشی دن ۲۳ ایرکک و ۱۰ کیشی سی عیاللر بولگنی نی ایتی.
عینی حالده هرات عامه ساغلیک اداره سی سوزچی سی اوتکن ۴۸ ساعت ده کرونا ویروسی نی یوقتیرگن ۳ کیشی عالم دن اوتکنی دن خبربیردی. شیرزی جنابلری بو اوچ کیشی ۴۵ و ۵۵ یاشلی ایککی ایرکک و ۶۵ یاشده بولگن بیرعیال ایکنی ایتی.
هرات ده کرونا ویروسی نی یوقتیرگن ۴۲۳ کیشی دن ۱۰ نفری حاضرگه قدر عالم دن اوتکن. هرات عامه ساغلیک اداره سی مسوللریگه کوره کرونا ویروسی نی یوقتیرگن کیشی لردن ۱۰۲ کیشی هم حاضرگه قدر ساغلگن.
شوبیلن بیرگه بوکون ایرته لب دن هرات ده جاری ایتیلگن چیکلولر برطرف ایتیلگن و مردم عادی حالتده شهرده باریب کیلماقده لر. هرچند هرات محلی اداره سی چیکلولربرطرف ایتلگنی دن بیران رسمی اظهارات بیرمگن اما بیرقطار شفاکارلر و ساغلیک نی سقلش متخصص لری بو وضعیت عاقبتیدن تشویش اظهارایتکن لر.
