فاریاب ولایتی مرکزی میمنه شهری، کووید۱۹ گه قرشی کورش کمیسیونی قراریگه اساساٌ بوتون لی قرنطین بولدی. آذوقه ساتوچی دوکان لردن باشقه بازارده‌گی برچه دوکانلر کرونا ویروسی گه قرشی کورش کیمته سی مسوللری و فاریاب پولیسی همکارلیگی بیلن تعطیل بولگن. فاریاب عامه ساغلیک اداره سی مسوللری گه کوره کرونا ویروسی ییرلیشی آلدینی آلیش اوچون میمنه شهریگه هفته ده ایککی مراتبه دوا سیپیله دی.

فاریاب عامه ساغلیک اداره سی ریسی داکتر نعیم مصمم نشانه خبرآژانسی بیلن صحبت ده دیدی: میمنه شهری بوتکل قرنطین بولدی. بوکون پولیس و شهردارلیک خادم لری همکارلیگی بیلن برچه دولتی اداره لرگه دوا سیپیه میز.» مصمم جنابلری علاوه ایتی اوتکن کونی ( دوشنبه ۲ ثور) شام چاغیده کرونا ویروسی نی یوقتیرگن ایککی شبهه لی شخص فاریاب عامه ساغلیک اداره سی خادم لری تمانیدن میمنه شهری غربی کمربندی سیده تانیلیب کووید ۱۹ شفاخانه سیده یاتقیزیلگن. میمنه گه کیلگن بو ایککی شخص اصلده تخارو جوزجان ولایتی یشوچیلری دیر.

  اوتکن ایککی هفته جریانیده بو اوچنچی باردیرکه میمنه شهریگه دوا سیپیلماقده. پولیس سوزچی سی کریم یورش نی نشانه خبرآژانسی گه بیرگن معلوماتیگه کوره فاریاب پولیسی کرونا ویروسی گه قرشی کورش کمیسیونی بویروغی گه مطابق بوکون مردم نینگ شهرگه باردی کیلدی سی نی منع ایتکن و اگر مردم کمیسیون قراریگه اعتنا قیلمسه لراولرگه نسبتاٌ‌ پولیس قانونی مناسبت کورسه تدی. یورش جنابلری مردم دن کمیسیونی بویروغ لری و عامه ساغلیک اداره سی توصیه لریگه مطابق عمل قیلیش لرینی طلب ایتدی. یورش جنابلری قرنطینه جریانیده فقط اذوقه ساوتچی لردوکان لرگه فعالیت قلیش گه رخصت بیریلگن و اگر باشقه دوکانلر بلدیه قرارلریگه اعتنا قیلمسه لر جریمه بولیش لری ممکن دیدی.

حاضرچه میمنه شهری نینگ کووید۱۹ شفاخانه سیده کرونا ویروسی نی یوقتیرگن تورت بیمار سخلنماقده. بوولایت ده کرونا ویروسی نی یوقتیرگن بیر بیمار ساغلدی و بو ویروس نی یوقتیریش گه شبهه لی بولگن ۲۲ بیمارهم نتیجه لرینی کوتماقده لر.