ملی مصالحه عالی کینگاشی ریسی، طالبان بیلن مذاکره قیلوچی دولت هیاتی بیلن اوچرشکنده افغانلر ارا مذاکره لر کیله سی ایککی هفته دن سونگ باشلنیشی ده امید بیلدیردی.

ملی مصالحه عالی کینگاشی مطبوعات بولیمی اعلامیه سیگه اساسا، بو اوچرشو بوکون توش دن آلدین ( شنبه ۱۰ جوزا) سپیدار قصریده بولیب اوتکن. بو اوچرشود، عبدالله عبدالله جنابلری مملکت نینگ سیاسی جنجالی حل بولگنی دن خرسندلیک اظهارایتیب دیدی افغانستان دولتی مذاکره قیلوچی هیات تعین لنیشی، مذاکره لرخطی و یول ریجه لری و افغان لرارا مذاکره لر باشلنشی بویچه یگانه قره‌ش و نقطه ی نظرگه قول تاپکن.

اودولت نینگ مذاکره قیلوچی هیاتی برچه قتلم و اجتماعی و قومی گروه لردن نمانیده‌لیک قلیشی نی اورته گه قویب دیدی بو هیات کامل صلاحیت بیلن مذاکره گه اشتراک ایته دی. عبدالله جنابلری شونینگ دیک طالبان بیلن صلح مذاکره لری کیله سی ایککی هفته دن سونگ باشلنیشی گه امیدبیلدیردی اما حاضرگه قئر مذاکره نی محلی و انتیق تاریخی معلوم ایمس دیدی.

بو اوچرشو ده صلح مذاکره لر هیاتی ریسی معصوم استانکزی بو هیات نینگ حاضرگه قدر بجرگن ایش وفعالیت لریدن عبدالله جنابلریگه راپور بیردی . استانکزی جنابلریگه کوره بو هیات بیر یگانه گروه اوله راق صلح مذاکره گه قتنشیب و افغانستان خلقی دن هرتمان له مه نمانیده‌لیک قیله دی.

باشقه تماندن عبدالله عبدالله بوکون توش چاغیده بیرخبری یغین ده اشتراک ایتیب هیت کونلریده اوچ کون لیک آتش کیسیم وایککی تمان ارا محبوسلرنی قویب یوباریلگنی نی صلح مذاکره لری باشلنیشی اوچون قولی زمینه مهیا ایتکن دیب فکر بیلدیردی.