آتش‌کیسیم اوچون دادخواهلیک؛ جوزجانده ۱۰ مینگدن آرتیق امضا تۉپلنگن
neshananews
27 June 2021جوزجان اهالیسی اوروشنی توخته‌تیش و مملکتده تینچلیک اۉرنه‌تیش اوچون امضا توپلش بۉییچه مثلی کورینمگن مقیاسده‌گی کمپاینی‌نی باشله‌گن. اوشبو دستور اوچ کوندن بېری “مشارکت” دفتری تمانیدن جبوزجان ولایتی مرکزی شبرعان شهری و قیشلاقلریده اهالی همکارلیگی بیلن یولگه قویلگن.
کمپاین نینگ ایکّینچی کونیده اوروشنی توگه‌تیش اوچون ۱۰ مینگدن آرتیق امضا تۉپلنگن. اوشبو اوچ کونلیک کمپاینده مملکتده تینچلیکنی اۉرنه‌تیش اوچون اۉن آلتی مینگدن آرتیق امضا تۉپلنیشی کېره‌ک. بو دستور مملکت نینگ ۳۴ ولایتیده مشارکت دفتری تمانیدن ایشگه توشیریلگن. اوشبو امضالر “عمومی آتش‌کیسیم” سرلوحه‌سی آستیده بنېرلرگه باسیلگن.
مشارکت اداره‌سی نامیدن فریده امینی نشانه‌اخبارات آژانسی بیلن صحبت‌ده، اوشبو کمپاین‌نی باشلشدن مقصد مملکتده دایمی تینچلیک و آتش‌کیسیم اۉرنه‌تیش اېکنلیگینی ایتدی. امینی خانم نینگ قۉشیمچه قیلیشیچه، اوشبو کمپاینده جوزجان نینگ چېکّه قیشلاقلریده یشاوچی و مملکتده تینچلیک اۉرنه‌تماقچی بۉلگن آدملر نینگ قۉل یازووی آلینه‌دی. امینی خانم نینگ سۉزلریگه کۉره، اوشبو امضالر درحقیقت دادخواهلیک جریانیگه کیریش امکانیگه اېگه بۉلمه‌گن اهالی‌نینگ آوازلری‌دیر. مشارکت‌دفتری نینگ بو اعضاسی مملکت بۉیلب یریم میلیونگه یقین امضا توپلش آرقه‌لی افغانستان‌ده صلح و تینچلیکنی اۉرنه‌تیشگه امید قیلماقده.
عینِ پیتده، شبرغان شهریده یشاوچی ۵۰ یاشلی محمد صالح نینگ ایتیشیچه، آدملر اوروشدن چرچه‌گن. شونینگدېک، او کمپاین‌بنریده امضا چېکیب، اوروش، آواره‌لیک، اهالی نینگ بربادلیگی‌گه سبب بوله‌دی دیدی. جناب صالح اوروشه‌یاتگن تمانلرنی علاجی باریچه تېزراق صلح اعلان قیلیشگه چقیره‌دی.
باشقه تاماندن، جوزجان ولایتیده‌گی ندنی فعالی نوید خیراندیش تینچلیک، کۉپ ملتلی مملکت نینگ دالضرب احتیاجی دیر، دېیدی. اونینگ تأکیدلشیچه، قوملر و ملتلرفقط تینچلیکده بیرلیک‌ده یشه‌شلری ممکن. جناب خېیراندیش اوشبو کمپاینده صلح و آتش‌کیسیم برقرلرلیگی مقصدیده قتنه‌شگنینی ایتدی. اونینگ سۉزلریگه کۉره، افغانستان خلقی صلح و تینچلیکنی قۉللب-قوّتله‌یدی.
محمد اکرهم جوزجان نینگ ینه بیر یشوچی بۉلیب، او مملکت بۉیلب آتش‌کیسیم کمپاینی‌ده قتنه‌شگن. اونینگ سۉزلریگه کۉره، یاشلر تینچ و خوفسیز محیط‌ده مملکت اوچون ینه‌ده ثمره‌لی ایش آلیب باریشی‌آرزو قیله‌دیلر. محمد اکرم اوروشنی یاشلر نینگ چېت اېلگه آواره‌لیگی نینگ اساسي سببی دېب بیله‌دی. جوزجان نینگ اوشبو یشاوچیسی هم مملکتده دایمي روشده صلح اۉرنه‌تیش امیدیده اوشبو لایحه نی امضاله‌گن. اونینگ فکریچه، تینچلیک اوچون تۉپلنگن امضالر بو اولکه تاریخی نینگ بیر قِسمی دیر.
شبرغان شهر اهالیسی و مشارکت اداره‌سی تمانیدن بو اوچ‌کونلیک کمپاین اوندای بیرحالده یولگه قویلگن‌که، یقینده جوزجان نینگ بیر قطار تومنلری طالبلر جنگریلرینی اۉز نظارتیگه آلیشدی. عینِ پیتده بلخ-جوزجان شاه یولی اوشبو گروه نظارتی آستیده اوتدی. مشارکت دفتری ۳۴ ولایتده تینچلیک، خاتین-قیزلر حقوقلری و تعلیم آلیش حقوقینی حمایه قیلیشده فعالیت آلیب بارماقده.
