آغاخان بنیادی و بیر سوداگر مملکتنینگ شمالشرقي ولایتلرگه ۳۰۰ آکسیجن بالونی یاردم قیلگن
آغاخان بنیادی متصدیلری بیر افغانستانلیک سوداگر بیلن همکارلیکده کروناویروسینی یوقتیرگن بېمارلرنی دوالش اوچون تاجیکستاندن ۳۰۰ ته آکسیجن بالونی ساتیب آلیب، شمالشرقي ولایتلرده جایلشگن کووید ۱۹ مخصوص شفاخانهلرگه اېتکزیب بېرگن.
آغاخان بنیادی نی بدخشاندهگی ساغلیقنی سهقلش ادارهسی باشلیغی سیفالرحمن ایبراهیمخېل نینگ تأکیدلشیچه، ساتیب آلینگن بو ۳۰۰ ته آکسیجن بالونی نینگ ۱۵۰ تهسی کندز گه، ۵۰ تهسی تخارگه و ینه ۱۰۰ تهسی بدخشان ولایتیگه اجرتیلگن. اونگه کۉره، کېچه (چهارشنبه ۲۷ جوزا) کونی خاروغ چیگرهسي آرقهلی بدخشان نینگ چیگرهده جایلشکن تومنلریگه ۴۰ بالون و شېرخان بندری آرقلی کندز، تخار و بدخشان ولایتلریگه ینه ۲۱۰ ته آکسیجن بالونلری انتقال بیریلگن.
آغاخان جمغرمهسیني بدخشاندهگی ساغلیقنی سهقلش بولیمی باشلیغی، تاجیکستانده یشهیادیگن افغانستانلیک بیررسوداگر هم بو آکسیجن بالونلرینی ساتیب آلیشگه یاردم بېرگنینی قۉشیمچه قیلدی. اما جناب ابراهیمخېل بو سوداگر نینگ ساتیب آلیشکن اولوشی قنچه اېکنلیگینی انیق ایتمهدی.
تاجیکستانده یشایاتکان افعانستانلیک سوداگر روحاللهشریفی نینگ ایتیشیچه، او تاجیکستاندهگی بیر نېچته اکسیجن ایشلب چیقارووچی کمپنیلر بیلن صحبت قیلگن و شمالشرقي ولایتلرده کووید ۱۹ بېمارینی آکسیجنگه بولگن ضرورتلرینی تأمینلشگه یاردم بېریشگه تیار دیر. جناب شریفي اوز شخصی امکانیتیدن آغاخان بنیادی ساغلیقنی سهقلش بولیمی همکارلیکده کندز ولایتیگه ۱۵۰ ته ، تخار ولایتیگه ۵۰ ته و بدخشان ولایتیگه ۱۰۰ ته آکسیجن بالونی جونتکنینی قۉشیمچه قیلدی.
جناب شریفي افغانستان حکومتی بیلن همکارلیکده مملکت کسلخانهلریگه ضرور بۉلگن آکسیجن ایشلبچیقاروچی اسکونه لرنی اورنتیش اوچون تاجیکستان بیلن کېلیشگن حالده ېتکزیب بېریشگه تیارلیگینی تأکیدلهیدی.
اما آغاخان جمغرمهسی نینگ بدهخشاندهگی ساغلیقنی سهقلش بۉییچه باشلیغی اولر بدخشانگه ۲۰ ته آکسیجن جنراتورلرینی ېتکزیب بېریشگنینی و بونگهعلاوه کسلخانهلرنی آکسیجن گه بۉلگن احتیاجینی قاندیریش اوچون قۉشنی دولتلردن، جملهدن تاجیکستاندن تامینلشدن سوزبیرگن.
شمالشرقي ولایتلردهگی کرونا شفاخانهلر متصدیلری نینگ تأکیدلشیچه، کروناویروسی نینگ اوچینچی تۉلقینی ترقهلیشی و کسلخانهلرده بېمارلر سانی کۉپهییشی بیلن اولر نینگ آکسیجنگه احتیاجلری آرتگن.
اما آغاخان بنیادی ساغلیقنی سهقلش خدمتی بۉلیمی متصدیلری اوشبو معمانی حل قیلیش اوچون چارهلر کۉریشگنینی اَیتماقده.