عبدالله-و-پوتزل

آلمان و ناروی صلح مذاکره لری سونگی یغین لریدن میزبان لیک قلیش ده تیارگرلیک کورستی

neshananews

13 September 2020

آلمان و ناوری مملکت لری نماینده لری ملی مصالحه عالی کینگاشی ریسی عبدالله عبدالله بیلن اوچرشکنده صلح مذاکره لری سونگی یغین لریدن میزبان لیک قلیش ده تیارگرلیک لری نی اعلان ایتیلر.

ملی مصالحه عالی کینگاشی بوکون ( یکشنبه ۲۳ سنبله) بیر اعلامیه نشرایتب بو موضوع عبدالله جنابلری و بو ایککی مملکت نماینده لری بیلن افغانستان دولتی و طالیان گروهی ارا مذاکره لر باشلنیشی مراسمی قاشی ده اوتکزیلگن علاحیده اوچرشولریدن اورته گه قویلگنی دن خبر بیردی

بو کینگاش اعلامیه سیگه کوره آلمان نینگ افغانستان و پاکستان ایشلری بویچه مخصوص نماینده سی مارک پوتزل، افغانستان دولتی و طالبان گروهی ارا توغریدن توغری مذاکره لر باشلنگنی نی بیر تاریخی واقعه اتب صلح مذاکره لری سونگی باسقیچ لری اوتزیلشی اوچون المان میزبان لیگی نی اعلان ایتی.

شونینگ دیک ناروی مملکتی نی افغانستان ایشلر بویچه مخصوص نماینده سی پیرالبرت الساس عیدالله جنابلری بیلن اوچرشکنده، بو مذاکره لر باشلنگنی نی بیر ییریک و تاریخی موفقیت اته دی.

ملی مصالحه عالی کینگاشی اعلامیه سیگه کوره الساس جنابلری هم مذاکره لرنینگ سونگی باسقیچی اوچون اووز مملکت میزبان لیک قلیش ده تیارگرلیک اعلان ایتیب افغانستان صلح مذاکره لری آقیمی دن ارقه داش لیک بیلدیردی.

ملی مصالحه عالی کینگاشی هم آلمان و ناروی مملکت لری ارقه داشلیک کورستگن لریدن منتدارچیلیک بیلدیردی.

المان و ناروی مملکت لری افغانستان دولتی مهم اتفاقداش لری جمله سی دن دیر که حاضرگه قدر صلح مذاکره لری آقیمی ده اساسی رول اوینه گن

آلمان و ناروی مملکت لری افغانستان دولتی و طالبان گروهی ارا صلح مذاکره لری سونگی یغین لریدن میزبان لیک قلیش ده اوندای بیر حالده تیارگرلیک اعلان ایتکن که اوتکن کونی ( شنبه ۲۲ سنبله ) بومذاکره لر قطر پایتختی دوحه شهریده باشلندی. هرچند افغانستان حکومتی ایککی تمان ارا مذاکره لر المان یا ناروی ده اوتکریلشی نی تاکیدلنردی اما طالبان بو مذاکره لر بیرنیچی دوری قطرده اوتکزیلیشی نی طلب ایتکندیلر.