اتمر: طالبان افغانستانده تروریستی گروه‌لرنینگ کوچه‌ییشیگه یۉل آچیب بېردی
neshananews
06 July 2021تشقی ایشلر وزیری محمد حنیف اتمر نینگ ایتیشیچه، طالبلر تامانیدن زۉرآورلیکلر نینگ کوچه‌ییشی افغانستانده تروریستی گروهلر نینگ کۉپه‌ییشیگه زمینه یره‌تدی.
تشقی ایشلر وزیرلیگی نشرایتکن خبرنامه‌سیده یازیشیچه، جناب اتمر بو مسأله‌نی بوگون ( سه‌شنبه ۱۵ سرطان) توشدن آلدین منطقه دولتلری نینگ اېلچیلری بیلن اوچره‌شووده ایتکن.
جناب اتمر نینگ ایتیشیچه، طالبان فعالیتلری کوپیشی منطقوي خوفسیزلیککه جدّي تهدید سالماقده. اونگه کۉره، بو گروه تینچلیک جریانیده‌گی تعهدلریگه قره‌مه‌ی تروریستی گروهلر بیلن علاقه‌لرینی اوزمه‌گن.
جناب اتمر نینگ سۉزلریگه کۉره، طالبان نینگ باشقه تروریستی گروهلر بیلن علاقه‌لری نینگ دوام اېتیشی و بو گروه تمانیدن زۉرآورلیک نینگ کۉپه‌ییشی مملکتده تروریستی گروهلر نینگ کوچه‌ییشیگه زمینه یره‌تدی.
تشقی ایشلر وزیری منطقه‌ده‌گی مملکتلرنی طالبان‌گه باسیم اۉتکزیب، گروه‌نی زۉرآورلیکدن واز کېچیشگه مجبورلشی و تینچلیک مذاکره‌لریگه اعتبار قره‌تیشگه چقیردی.
سۉنگگی ایکّی آی ایچیده، اینیقسه، شمالي ولایتلرده خارجی قۉتلر چیقیشی دن سونگ طالبان مملکت بویلب زۉرآورلیکلرنی کوچیتیرگن.
