ولی مسعود

احمدولی مسعود: ملي مقاومت تیزیم دایره‌سیده رسمیت تاپیشی کېره‌ک

neshananews

26 July 2021

 احمدشاه‌مسعود بنیادی رهبری احمد ولی مسعود نینگ ایتیشیچه، ملي مقاومت، خوفسیزلیک قوتلری دایره‌سیده اېمس؛  عکسینچه‌، مملکت تیزیم دایره‌سیده رسمیت‌ تاپیشی کېره‌ک.

 جناب مسعود بوگون (-دوشنبه‌ ۴ اسد) کابلده‌گی مطبوعات انجمنیده طالبان‌گه قرشی مقاومت دایره‌سی بوتون مملکت بۉیلب کېنگه‌یگنینی ایتدی.

 جناب مسعود مقاومت کوچلری تیزیم دایره‌سیده قۉللب-قوّتلنیشی و رسمیت تاپیشی کېره‌کلیگینی تاکید قیلدی.  اونینگ ایتیشیچه، او طالبلرگه قرشی توریش اوچون قۉلیدن کېلگن برچه‌ ایشنی قیله‌دی.

 اما جناب مسعود طالبان‌گه قرشی مقاومت شکللنیشینی و گروه نینگ مغلوب بۉلیشی احتمالینی مملکتده اوروش توگه‌شیگه یۉل آچیب بیرمس‌لیگی و اوروشنی توگه‌تیش اوچون موازنت‌لی سیاسي دایره‌نی ایزلش کېره‌کلیگینی ایتدی.

 اونینگ سۉزلریگه کۉره‌، حاضرگی حکومت اۉرنیگه صادق و صداقت‌لی ملي سیمالردن عبارت جمهوررییسلیک کېنگاشی توزیلیشی و اوشبو کېنگاش آره‌سیدن جمهوررییس کېنگاشی رییسلیگی اوچون سه‌یلنیشی  کېره‌ک.

 جناب مسعود تامانیدن جمهوررییسلیک کېنگاشی نینگ تشکیل اېتیلیشی اوندای بیرحالده اورته‌گه قویلماقده‌که حکومت بوندن‌آلدین حکومت عالي کېنگاشینی تشکیل اېتیشنی رېجه‌لشتیرگندی، اما حاضرگه‌چه حکومت بو کینگاشی شکللنیشینی یکونلتیره آلمه‌گن.

 طالبلر هم حکومت بیلن تینچلیک اۉرنه‌تیشدن آلدین جمهوررییس غنی‌نی حاکمیتدن چېتله‌تیشی‌ني طلب ایتکندی .