احمدینژاد: طالبان بیر اولکهنی باسیب آلیش آرقهلی اسلامي دولت توزیشگه اورینیشی منطقسیز
اېران نینگ سابق جمهوررییسی محمود احمدینژاد،طالبان نینگ اسلامي حکومت ایجاد ایتیش اوچون حربي یۉل بیلن حرکت قیلیشگه اینتیلیشینی منطقسیز و غیرِ انساني دېب اتهگن.
جناب احمدینژاد بو مسألهنی بوگون اېرتهلب ( یکشنبه اسد آی اوچینچیسی) “نورۉز” رادیوسی بیلن مخصوص صحبتده بیان ایتکن. جناب احمدینژاد نینگ قۉشیمچه قیلیشیچه، طالبلرنی یوزده یوز جنگ آرقلی غلبهسی تشقی مملکتلر منفعتیگه بولیب و افغانستان خلقی منفعتلریگه قرشی و ضد دیر.
او افغانستان حکومتی و طالبان اۉرتهسیده دوحهده بۉلیب اۉتگن تینچلیک مذاکرهلریگه تاختهلیب، مذاکرهلر تینچلیک اوچون اېمس، بلکه گروهلر اۉرتهسیده حاکمیتنی بۉلیشیشگه قرهتیلگنلیگینی ایتدی. اونگه کۉره، افغانستانگه علاقهدار گروهلر اۉرتهسیده حاکمیتنی تقسیملش بۉییچه هر قندهی کېلیشوو تینچلیکنی آلیب کېلمهیدی و تېز آرهده شکستگه اوچریدی.
اېران نینگ سابق جمهوررییسی تینچلیک مذاکرهلری اوندای بیر حالده نتیجهبیریب و افغانستاندهگی اوروشني یکونلنتیره آلهدی که ، خلق نینگ ارادهسیگه بناءً عملگه آشیریلسه و تینچلیک جریانیدن کیلیب چیققن دولت حاکملری سیلاو آرقلی سیلنسهلر ديدي.
اېران حکومتی ایلگری طالباننی افغانستان نینگ سیاسي کېلهجگی نینگ بیر قِسمی دېب اتهگن، اما گروه نینگ حاکمیتنی کوچ بیلن اېگهللشگه قرهتیلگن هر قندهی اورینیشلریگه قرشیلیک کورستکن.