احمدبشیر صمیم، ذکریاسودا اۉرنیگه بدخشان حاکمی اېتیب تعیینلندی
محلي ارگانلر مستقل ادارهسی، احمد بشیرصمیم بدخشان حاکمی اېتیب تعیینلنگنلیگینی اعلان قیلدی.
بوگون (چهارشنبه ۲ سرطان) بو اداره نشرایتکن خبرنامهسیده محلي ارگانلر مستقل ادارهسی تکلیفیگه بناءً و جمهوررریس نینگ بویروغی اساسیده جناب صمیم ذکریا سودا اۉرنیگه اوشبو لوازمگه تعیینلنگنی دن خبربیرگن.
بدخشان نینگ سابق حاکمی ذکریاسودا ایکّی هفته آلدین فیضآباد شهریده بۉلیب اۉتگن نمایشلر مناسبتی بیلن نمایشچیلرنی قتغان قیلگنلیکده عیبلنیب، لوازمیدن چېتلشتیریلدی.
تخمیناً ایکّی هفته آلدین بدخشان اهالیسی ایچیملیک سووی نینگ اوزیلیشی و خوفسیزلیک نینگ کوچهییشیگه جوابن فېضآباد کۉچهلریگه چیقدی، اما نمایش زۉروانلیککه ایلنیب، سکّیز کیشینی اۉلدیردی.
اوشبو حادثه مناسبتی بیلن پارلمان تامانیدن نمایشلر نینگ زۉروانلیککه ایلنیشینی تېکشیریش اوچون حقیقتنی انیقلش هیاتی تعیینلندی. هیات بدخشان حاکمی و خوفسیزلیک خدمتی نینگ بیر قطار خادملرینی بو بارهده بېپروالیکده عیبلب، اولرنی ایشلریدن چیتلشتیریلیشینی طلب قیلگندی.