افغانستان شمالی ده ملی اردو قوتلری مسووللری بلخ ولایتی چهار بولک تومنی ده ۱۲ قشلاق طالبان جنگچی لریدن تازه‌لنگنی دن خبر بیرگن. بو قشلاق لربلخ ولایتی شاه یولی اطرافیده جایلشکن و شاهین قول اردوسی تمانیدن یولگه قویلگن « شاهین ۳۲۰» ناملی عملیاتی نتیجه سیده طالبان جنگچی لریدن تازه لنگن.
شاهین قول اردوسی سوزچیس یمحمد حنیف رضایی بوکون ( چهارشنبه ۱۵ ثور( نشانه خبر آژآنسی بیلن صحبت ده دیدی بو عملیات جریانیده طالبان جنگچی لریدن اینگ آز ۳۰ قوراللی اولدیریلگن و ۲۳ جنگچی هم یاره لنگن. رضایی جنابلری عینی دمده چهاربولک تومنیده طالبان نینگ ۲۳ جنگچی سی توتقین ده آلینگنی دن هم خبر بیردی.
شاهین قول اردوسی سوزچیسی بو عملیات جریانیده ملی اردو قوتلریدن تورت کیشی یاره لنگنی نی آچیقلب و بو عملیات نتیجه سیده طالبان جنگچی لریدن تازه‌لنگن قشلاق لربلخ ولایتی بیرینچی نمبر شاه یولی حدودیده جایلشکن مهم قشلاق لرجمله سیدن بولگنی نی تاکیدلشکن.
طالبان گروهی حاضرگه قدر بو باره ده رسانه لرگه بیران نرسه ایتمگن.
« شاهین ۲۳» قوشمه عملیاتی اونبیرکون آلدین ( ۴ثور) مملکت مدافعوی و امنیتی قوتلری تمانیدن بلخ ولایتی نینگ چهار بولک تومنی ده باشلنگندی.