ميوند ٢١٥ قول اردوسي ني اعلان قيليشيچه هلمند ولايتي نينگ بيرقطار تومنلريده ملي اردو نينگ يير و هوا عمليات لري نتيجه سيدن طالبان جنگچي لريدن اينگ آز ٩٢ كيشي اولديريلگن.
ميوند قول اردوسي مطبوعات بوليمي بوكون (پنجشنبه ١٦ ثور) نشر ايتكن خبرنامه سيده طالبان نينگ بو جنگچي لري هلمند ولايتي نينگ نهرسراح، مارجه، ناوه و ٦٠١ شاه يولي و لشكرگاه شهري اطرافيده اولديريلگني دن خبر بيرگن.
بو خبرنامه ده ايتيليشيچه اولديريلگن جنگچي لريدن ايككي كيشي سي طالبان نينگ ايككي مشهور قومانداني بولگن.
خبرنامه گه كوره بو عمليات لر ده شونينگ ديك طالبان نينگ ٣٤ جنگچي سي هم جراحتلنگني قيد ايتيلگن اما طالبان تماني حاضرگه قدر بو باره ده بيران معلومات نشر ايتمگن.
ملي اردو قوتلرينب تازه لش عملياتي ايككي هفته آلدين هلمند ولايتي ده باشلنگندي. اوتكن نيچه كون جريانيده هلمند ولايتي ده طالبان نينگ بير قطار جنگچي لري هلاك بولگني خبر قيلنگن.