ملي اردونينگ مملكت شمالي ده گي مسوللريگه كوره طالبان گروهي نينگ بلخ، فارياب، جوزجان و سرپل ولايتلريده هجوملري امنيتي قوتلر تمانيدن دفع ايتيلدي.

شاهين قول اردوسي سوزچيسي محمد حنيف رضايي بوكون( يك شنبه ١٩ اسد ) نشانه خبر آژانسي بيلن صحبت ده ديدي: ” طالبان گروهي جنگچي لري اوتكن كوني توش دن سونگ بلخ ولايتي نينگ شولگره تومني ني بودنه قلعه و شيخ ها قشلاقلريگه هجوم اويشتيرديلر. اما امنيتي قوتلر تمانيدن دفع ايتيلدي.” اوني علاوه قيليشيچه طالبان گروهي شونينگ ديك اوتكن كوني فارياب ولايتي گرزيوان تومني مركزي، جوزجان ولايتي فيض آبادتومني شيشه قشلاقي وسرپل ولايتي صياد تومني ني ” كوترمه ” قشلاقيگه هجوم اويشتيرديلر اما امنيتي قوتلرني جدي مقاومتي بيلن بوزمه يوز بولديلر.”

شاهين قول اردوسي سوزچي سيگه كوره اوتكن كوني يوزبيرگن توقنشولر جريانيده طالبان نينگ ٧ جنگچي سي اولديريليب و ٨ جنگچي لري جراحتلندي.

معلوماتلرگه كوره بلخ ولايتي ده طالبان و امنيتي قوتلر ارا يوز بيرگن توقنشو نتيجه سيده طالبان نينگ ١٢جنگچي سي هلاك و ٤ جنگچي سي ياره لندي. طالبان گروهي حاضر گه قدر بو باره ده رسانه لر هيچ نرسه ايتمگن.