اردو قوتلري سرپل – جوزجان شاه يوليده تورت قانلي واقعه آلديني آلدي
neshananews
19 September 2020مملكت شماليده گي اردو مسووللريگه كوره شاهين قول اودو سي ماين تازه لش كوچلري سرپل – جوزجان شاه يوليده تورت قانلي حادثه آلديني آليشگه موفق بولگن.
شاهين قول اردوسي سوزچيسي محمد حنيف رضايي نشانه خبر آژانسي بيلن صحبتده ديدي شاهين قول اردو سي ماين تازه لش كوچلري اوتكن كوني توشدن سونگ( جمعه ٢٨ سنبله) سرپل ولايتي ني جوزجان بيلن باغلوچي شاه يول نينگ سيد آباد و كنجك قشلاقلري حدويدي دن تورت بشكه اي ماين ني كشف ايتيب بيكار قيلگن.رضايي جنابلري بو ماينلر طالبان جنگچي لري تمانيدن بو شاه يولده جايلشتيريلگن ديدي. رضايي جنابلريگه كوره يول چكده اورنتيلگن اكثر ماين قربانلري عادي اهالي دير.
طالبان جنگچي لري عموما امنيتي قوتلرگه ضربه يتكزيش اوچون شمالي ولايتلر شاه يوللريده ماين جايلشتيره ديلر. اينگ سونگي كونلرده جوزجان – سرپل شاه يوليده بير كيكسه شخص ١٢ ياشلي فرزندي بيلن يول چكه سيده اورنتيلگن ماين پارتلشي ده قربان بولديلر.
