اردو: هلمندده ۶۰ طالب جنگچیلری اۉلدیریلدی
۲۱۵-میوند قولاردوسی نینگ معلوم قیلیشیچه، هلمند ولایتیده طالبان نینگ آلتی محلي قوماندانی داخل ۶۰ جنگچیسي، ملي اردو قوتلری بیلن توقنشوده اۉلدیریلگن.
۲۱۵-میوند قول اردوسی بوگون (۲۹-جون، شنبه) نشر ایتکن بیاناتیده ایتیلیشیچه، طالباننینگ بو جنگچیلری کېچه هلمند ولایتی نینگ گرشک و نهرسراج تومنلری حدودلریده اوردو نینگ هوا و قوروقلیکدهگی عملیاتی پیتیده طالبان اولدیریلگن.
خبرنامهده شونینگدېک، طالباننینگ موسیقلعه تومنیدهگی قیزیل قطعه سي قوماندانی لری قریبآغا، عمران و بریالی، نهرسراج تومنیده طالبان نینگ محلی قوماندانلری بولگن نعمتالله، عابد و حاجی ورور، اولدیریلگنلر آرهسیده بۉلگنلری تاکیدلنگن.
۲۱۵ میوند قول اردوسی خبرنامسیگه کۉره، اوردو نینگ هجوملری پیتیده ۷۵ طالب جنگچیلری، شو جملهدن گروه نینگ محلي قوماندانلریدن بیری ملا عبدالله یرهلنگن. قول اردو شونینگدېک، هجوملر پیتیده طالبان نینگ تۉرتته قرارگاهی نابود بولگنی ني ایتکن.
طالبان حاضرچه بو حقده بیران معلومات و ایضاح بېرمهگن.
تخمیناً بیر آی آلدین اردو کوچلری لشکرگاه اطرافینی طالبلردن تازهلشگن. عینِ پیتده اوردو هلمند تومنلریده تازهلش عملیاتنی آلیب بارماقده.