سرپل ولایتی امنیتی مسووللریگه کوره طالبان گروهی نینگ بیرکتته یغینی بوولایت نینگ صیاد تومنی ده اردو هوا قوتلری تمانیدن نشان گه توتیلگن. بو هوا هجومی ده طالبان نینگ تورت جنگچی سی هلاک و یتی جنگچی سی هم یاره لنگن.
سرپل ولایتی پولیس سوزچی نورآغا فیضی نشانه خبر آژانسی بیلن صحبت ده دیدی اردو هوا قوتلری اوتکن کونی ( یک شنبه ۲۶ اسد) طالبان گروهی نینگ بیر کتته یغینی نی صیاد تومنی نینگ « بازارباشی » قشلاقی ده نشان گه توتکن و بو هجوم نتیجه سیده طالبان نینگ تورت جنگچی سی هلاک بولیب و یتی جنگچی سی هم یاره لنگن.
سرپل امنیه قوماندانی سوزچیسی نورآغا فیضی، طالبان گروهی اعضالری بو یغین ده صیاد تومنی ده امنیتی قوتلر پوسته لریگه قرشی هجوم اویشتیریش نی ریجه لشتیرماقچی ایکن. فیضی جنابلرینی علاوه ایتیشیچه بو هوا هجومیده عادی اهالی و امنیتی قوتلرگه هیچقندای صدمه یتکزیلمگن.
باشقه تماندن سرپل ولایتی بیرقطار یشوچیلری سونگی نیچه آی دن بویان جوزجان ـ سرپل شاه یولی اوتمیشگه قرگنده ناتینج بولگنی نی ایتماقده.. اهالیگه کوره طالبان جنگچی لری بو شاه یول حدودیده ماین و پارتلوچی ماده لر جایلشتیرگن. اما سرپل ولایتی پولیس سوزچیسی جوزجان ـ سرپل شاه یولی ناتینج لیگی وقتینچه لیک بولگنی نی ایتیب بو معما تیزلیک ده برطرف ایتیلگنی دن ایشانچ بیلدیرگن.