اردو: کماندو کوچلری سرپل ولایتیده‌گی اوچ قیشلاقنی طالبان‌دن تازه‌لشدی
neshananews
07 July 2021۲۰۹-شاهین قول‌اردوسی سرپل-جوزجان شاه‌یولی حدودیده جایلشکن اوچ قشلاقده یولگه قویلگن حربی عملیات نتیجه‌سیده طالبان دن تازه لشکری ني اعلان ایتدی. جنگلرده طالبان نینگ یېتّی جنگچیسی اۉلدیریلگن و ینه ۱۳ نفری یاره‌لنگن.
شِمالده جایلشگن ۲۰۹- شاهین قول اردوسی نشرایتکن خبرنامه‌سیده عملیات کېچه (سه‌شنبه ۱۵ سرطان) سرپل-جوزجان شاه یولی حدودیده یولگه قویلگن دیب ایتکن.
۲۰۹- شاهین قول‌اردوسی نینگ خبرنامسیگه کۉره، بهسود، خرابه و قراغو قیشلاقلری طالبان جنگریلریدن تازه‌لنگن.
اردو رسميلری، خوفسیزلیک و مدافعه کوچلری نینگ تلفاتلری حقیده ایضاح بېرمه‌گن طالبان هم حاضرچه بو توغریده مناسبت بیلدیرمه‌گن.
عینِ پیتده، اردو هوا کوچلری کېچه جوزجان-سرپل شاه‌یولی حدودیده طالبان پوسته‌لری و ییغیلیشلرینی نشانگه آلگندی.
خبرلرگه کۉره،اردو اوچاقلری بیر کېچه‌ده بلخ، سمنگان، جوزجان، فاریاب و سرپل ولایتلریده‌گی طالبان موقع‌لری نشانگه آلینگن. سرپل-جوزجان شاه‌یولی نینگ ایریم قِسمی سۉنگگی اوچ هفته دوامیده طالبان نظارتی آستیده اوتکندی.
