ارزگان ده بیر اوی ده تییب پارتلگن راکت ایککی کیشی دن جان آلیب و ایککی کیشی نی یاره لنتیردی
ارزگان محلی رسمیلریگه کوره بو ولایت نینگ دهرواود تومنی ده بیر اوی گه تییشکن راکت پارتلشی سبب ایککی عیال قربان بولیب و ایککی باله یاره لنگن.
ارزگان ولایت حاکمی سوزچیسی احمدشاه ساحل، بو واقعه اوتکن شام ( شنبه ۲۶ میزان) دهراود تومنی « زرثاله » قشلاقی ده یوزبیرگنی وبو پارتلیش نتیجه سیده ایککی عیال اولیب و ایککی باله یاره لنگن دیب ایتی.
ساحل جنابلری، بو واقعه ده یاره لنگن ایککی باله نی ساغلیک وضعیتی قانعقرلی دیب ایتکن.
ارزگان ولایت حاکمی سوزچیسی عینی دمده بو راکت طالبان گروهی تمانیدن اتیلگنی نی تاکیدلشکن، اما طالبان گروهی حاضرگه قدر بو باره ده بیران مناسبت بیلدیرمگن.
سونگی وقتلرده کوپیب باره یاتکان قوراللی توقنشو لر عادی اهالی دن قربان لیک آلماقده. اکثر حاللرده بو ندای واقعه لر مسوولیتی نی هیچ شخص یا گروه اوز ضممه سیگه آلمیدی. طالبان گروهی، امنیتی قوتلرنی عادی اهالی اویلرینی نشان گه توتیشی عاملی اتب اما امنیتی قوتلرایسه طالبان نی مملکت عادی وطنداش لری قاتلی اعلان ایته دی.