اروپا اویشمه‌سی نماینده‌سي قطرده افعانستان دولتی نینگ مذاكره‌قیلوچی هیاتی بیلن اوچرشدی
neshananews
08 June 2021تینچلیک بویچه دولت وزیرلیگی، اروپا اویشمه‌سی‌ني افعانستان ایشلری‌بویچه مخصوص نماینده‌سي توماس نیکلسون افعانستان دولتی نینگ مذاكره‌قیلوچی هیاتی ریسی و اعضالری بیلن قطرده اوچرشکنیدن خبربیردی.
صلح بویچه دولت وزیرلیگی اوتکن کونی ( دوشنبه ۱۷ جوزا) نشرایتکن خبرنامه‌سیده بو اوچرشوقطر پایتختی دوحه شهریده اوتکزیلگنی ني تاکیدلشکن.
خبرنامه‌ده ایتیلیشچه افعانستان دولتی نینگ مذاكره‌قیلوچی هیاتی ریسی معصوم استانکزی و بو هیات اعضالری نیکلسون جنابلری بیلن اوچرشوده حاضر ایکنلر.
خبرنامه‌گه کوره بو اوچرشوده ایککی تمان صلح آقیمی تیزلشتیریلیشی، طالبان هیاتی بیلن مذاكره‌لر باشلنیشی و افعانستان ده زوروانلیکلرنی کمیتیریش بویچه بحث قیلگن‌لر.
صلح بویچه دولت وزیرلیگی خبرنامه‌سیده اروپا اویشمه‌سي نماینده‌سي مذاکره‌نینگ ایککی تمانیدن افعانستان ده اوروش گه نقطه قویلیشی اوچون جدي سوزلشولرنی باشلشی ني طلب ایتکن.
نیکلسون جنابلری شو هفته اولیده طالبان‌نینگ قطرده‌گي سياسي دفتری معاونی بیلن هم اوچرشیب ملاقات قیلگندی. عینی‌حالده آمریکا ني افعانستان تینچلیگی اوچون مخصوص نماینده‌سي زلمی‌خلیل‌زاد هم منطقه گه سفر قیلگن و کورینیشی‌دن صلح مذاکره‌لری قطرده قیته باشلنیشی ني کوتیلماقده.
