استراليا تشقی ایشلر وزیری: افغانستانده تینچ اهالینی اۉلدیریش و قییناققه سالیش تشویشلنرلی دیر
استراليا تشقی ایشلر وزیری مریش پین افغانستان تشقی ایشلر وزیری بیلن تېلفون آرقهلی صحبتده افغانستانده تینچ اهالی نینگ اۉلدیریلیشی و قییناققه سالینیشیدن خواطر بیلدیرگن.
تشقی ایشلر وزیرلیگی بوگون اېرتهلب (پنجشنبه ۷ اسد) نشرایتکن خبرنامهسیده اوشبو تېلفون صحبتی کېچه کېچقرون بۉلگنینی یازگن. خبرنامهگه کۉره، تامانلر افغانستاندهگی زۉرآورلیکلر نینگ کوچهییشی، تینچلیک جریانی و استراليا نینگ افغانستاندهگی دیپلوماتیک اشتراکینی تیکلش ضرورلیگینی محاکمه قیلدیلر.
خبرنامهگه کۉره، ااسترليا تشقی ایشلر وزیری افغانستانده طالبلر تامانیدن تینچ اهالی نینگ اۉلدیریلیشی و قییناققه سالینیشی، خصوصاً، گروه نینگ عیاللر و بالهلر بیلن یامان معاملهسی یوزهسیدن خواطر بیلدیرگن.
خبرنامهده ایتیلیشیچه، ایکّی تامان هم افغانستانده استرالياه نینگ دیپلوماتیک حضوری بۉییچه بیرگهلیکده ایشلشگه کېلیشیب آلگن. تخمیناً اوچ آی آلدین خارجی قوتلرنی افغانستاندن تۉلیق چیقیب کېتیش باشلنگنده استراليا کابلدهگی اېلچیخانهسینی وقتینچه یاپکندی.