استولتنبرگ بیلن مِیلر اوچره‌شووی؛ ناتو افغانستان‌ده تینچلیک اۉرنه‌تیش اوچون حرکتلرینی دوام اېتتیرماقده
neshananews
07 July 2021شمالي اتلانتیک اتفاقی تشکیلاتی (ناتو) باش کاتبی ینس استولتنبرگ نینگ ایتیشیچه، او افغانستان‌ده‌گی خارجي کوچلر نینگ باش قوماندانی سکاتت مِللر بیلن اوچره‌شگن.
جناب استولتنبرگ اۉزی نینگ تویتتر-ده‌گی صحیفه‌سیده اوچره‌شوو کېچه کېچقرون ( سه‌شنبه ۱۵ سرطان) بۉلیب اۉتگنلیگینی یازگن. او اوچره‌شوو اۉتکزیلگن جای حقیده ایضاح بېرمه‌گن.
ناتو باش کاتبی ایککی تمان، افغانستان‌دن اۉز قۉشینلرینی آلیب چیقیش جریانینی محاکمه قیلگنینی قۉشیمچه قیلدی.
استولنتبرگ نینگ تأکیدلشیچه، ناتو قۉشینلری افغانستان‌دن آلیب چیقیلگنیگه قره‌مه‌ی، تشکیلات افغانستان حکومتینی تینچلیککه اېریشیشده قۉللب-قوّتلشده دوام اېتیره‌دی.
ناتوگه اعضا دولتلر نینگ اکثریتی افغانستان‌دن اۉز قۉشینلرینی چیقاردیلر. عینِ پیتده امریکا نینگ ۹۰ فایز قۉشینلری افعانستان‌ني ترک ایتکن.
