استولتنبرگ: ناتو افعانستانده اونملی انشاعاتلرنی سقلنیشی اوچون ترکیهبیلن مصلحت لشماقده
شما آتلانتیک اتفاقی ناتو باش کاتبی، بو اتفاق اعضالری افعانستانده اونملی و مهم قورلمهلرنی سقلش اوچون ترکیه دولتی بیلن مذاکره و مصلحت قیلماقده دیب خبر بیرگن. ناتو تشکیلاتی کابل هوا قونالغی و باشقه بیرقطار مهم بنالر خوفسیزلیگیني تامینلش مسوولیتیني ترکیه حربیلریگه تاپیشریشني ایستشکن.
استولنتبرگ جنابلری بوکون ( دوشنبه ۲۴ جوزا) بروکسل ده بیر خبری یغینده اونملی و مهم قوریلمهلر جملهدن کابل هواقونالغی دن محافظت قیلیش ناتو اوچون اوته اهمیتلي دیر دیگن. اوني ایتیشیچه بو تمل قوریلمهلردن محافظت ایتیش افعانستانده دیپلماتلر حضوری و ترقیات دستورلرنی دوام ایتیریش اوچون ناتو و اوني اتفاقداشلری اوچون کتته اهمیتگه ایگه دیر.
بوندن آلدین غربی اخبارات واسطهلر، کابل هواقونالغی خوفسیزلیگیني تامینلش اوچون ترکیهني یوزلب حربیلری بو قونالغیده جایلشیشیدن خبربیرگندیلر.
ناتو باش کاتبی بو موضوعگه توختلیب هرچند بو اتفاقنینگ حربی حضوری افعانستانده یکونلندی اما ناتونینگ ملکی بولیمی حضوری و بو تشکیلاتنینگ افعانستان حربیرقوتلریدن حمايت و ارقه داشلیگی دوام ایتیشی ني اورغولشکن.
اونگه کوره افعانستان امنیتی و مدافعوی قوتلرینی مملکتدن تشقریده تعلیم بیریش موضوعسي هم بو اتفاق اعضالری ارا بحث بولماقده.
ناتو اتفاقیگه اعضا بولگن مملکتلر رهبرلری ایرته بروکسلده یغین اوتکزیشلری کوتیلماقده. بو یغینده امریکاقوشمه ایالتلری جمهوررييسی جوبایدن هم اشتراک ایتماقچی. افعانستان اردوسیدن ناتونینگ حمایتی دوام ایتیشی بو یغینده بحث بولهیاتکان مهم موضوعلر جمله سیدن دیر.