افغانستانده تینچلیکنی تأمینلش اوچون پنتاگون قۉشنی دولتلر همکارلیکینی تأکیدلدی
امریکا مدافعهوزیرلیگی پنتاگون سوزچیسی جان کربی نینگ ایتیشیچه، قۉشنی دولتلر افغانستانده تینچلیک و خوفسیزلیکنی تأمینلش اوچون بیرگهلیکده حرکت قیلیشلری کېرک.
جناب کربی بوگون ( دوشنبه۲۱ سرطان) واشنگتندهگی مطبوعات انجمنیده اوشبو مسألهنی تاکیدلشدی. اونینگ سۉزلریگه کۉره، افغانستان حکومتی مملکتده تینچلیک و خوفسیزلیک اۉرنهتیش اوچون حرکتلرینی کوچهیتیریشی کېرک.
او،افغانستاندهگی خوفسیزلیک بیلن باغلیق وضعیتگه توختهلیب، طالبلر تمانیدن زۉرآورلیک اوج آلگنیگه قرهمهی، افغان اردوسی زمانهوي اسکونهلر و کوچلی هوا قوتلری بیلن مملکت خوفسیزلیگیني تأمینلهی آلیشینی ایتدی.
جان کربینی تأکیدلشیچه، امریکا افعانستان دولتی بیلن لوژستیک و امنیتی قوتلرنی جهازلنتیریش و تخنیکي یاردم کۉرسهتیشده همکارلیکی ني دوام ایتیرهدی.
جناب کربی سۉزلریگه کۉره، امریکا نینگ منطقهدهگی کوچلری افغانستاندهگی هر قندهی تروریستیی تهدیدنی بیکار قیلهآلهدیلر
اونگه کۉره، اما واشنگتن منطقهدهگی دولتلر بیلن امریکا نینگ بیر قطار قۉشینلرینی افغانستان بیلن قۉشنی بولگن دولتلرگه جایلشتیریش بۉییچه مذاکرهلر آلیب بارماقده.
اوّلراق امریکا عامهوي اخبارات واسطهلری امریکا قۉشینلری پاکستانگه جایلشتیریلیشی حقیده خبر ترقهتگن اېدی. پاکستان حکومتی، اما امریکا کوچلری نینگ پاکستان توپراغیگه جایلشتیریلیشیگه یۉل قۉییلمسلیگینی تأکیدلهدی.