کمیسیون حقوق بشر دو

افغانستان‌ده تینچ اهالی تلفاتی اۉتگن ییل نینگ آلتی آییگه نسبتاً ۸۰ فایزگه آشگن

neshananews

01 August 2021

افغانستان انسان حقوقلری  مستقل کمیسیونسی، افغانستان‌ده‌گی اوروش نتیجه‌سیده جاري ییل نینگ آلتی آییده کمیده ۱۶۷۷ تینچ اهالی هلاک بۉلگنینی اعلان قیلدی.

بو کمیسیون بوگون (یکشنبه‌، ۱۰ -اسد)،  مملکتده‌گی تینچ اهالی قربانلری حقیده‌گی ینگی حساباتینی اعلان قیلدی و شو آلتی آی ایچیده ینه‌ ۳۶۴۴ تینچ اهالی جراحت آلگنینی ایتکن.

 حساباتده ایتیلیشیچه، جاري ییل نینگ آلتی آییده ملکي اهالی تلفاتی اۉتگن ییل نینگ شو دوریگه نسبتاً ۸۰% آشگن.  اۉتگن ییل نینگ آلتی آییده ۱۲۰۰ دن آرتیق تینچ اهالی اۉلدیریلیب، ۱۷۰۰ کیشی یاره‌لنگندی.

 خبرده ایتیلیشیچه، قربانلر آره‌سیده ۵۰۴ عیال و ۲۹۷ باله‌ داخل.  جاري ییل نینگ آلتی آییده قربانلر آره‌سیده عیاللر و باله‌لر سانی هم اۉتگن ییلگه نسبتاً آشگن.

 کمیسیون تینچ اهالی نینگ آولیمی عاملری حقیده اشاره‌ قیلیب،  ۵۶ فایزی طالبان، ۱۵ فایزی خوفسیزلیک کوچلری، ۷ فایزی داعش گروهی و ۲۲ فایزی نامعلوم قوراللی شخصلر، دېب یازگن.

 حساباتده، شو ییل نینگ آلتی آییده تینچ اهالی قربانلری نینگ ۳۷ فایزی ماینلر و مو‌ترلر پارتلشلری، ۳۰ فایزی ریجه‌لنگن حادثه‌لر و ینه‌ ۱۷ فایزی راکت‌ هجوملری طفیلی بۉلگنی ایتیله‌دی.

 شونده‌ی قیلیب، انسان حقوقلری کمیسیونسی افغانستان حکومتی و طالبان‌نی زۉرآورلیکلرنی درحال تاخته‌تیب، مذاکره‌ میزیگه قَیتیشگه چقیرگن.