افغانستان‌ده طالبلرنینگ بوزغونچی حرکتلری نینگ کوچه‌ییشی؛ نیمه اوچون پاکستان مسوول بۉلیشی کېره‌ک؟
akbardashti
31 July 2021سیاست‌ده هېچ قنده‌ی تجربه‌گه اېگه بۉلمه‌گن پاکستان باش وزیری عمران خان آخرگی بیاناتیده طالبان حرکتی اوچون پاکستان جوابگر اېمسلیگینی ایتدی. عمران خان بو حقده طالبان افغانستان کتته‌شهرلری و تومنلریگه زۉرآورلیک بیلن هجوم اویوشتیرگنیده ایتدی. گروه جنگریلری ریجه‌لنگن قاتللیکلرنی عملگه آشیرگن، مخالف‌لرینی اورته‌دن کیتقزگن، جماعت بنالرینی یاقیشگن و آدملر نینگ اویلرینی ویران قیلیشگن. بو گروه قاتللیک و زۉرآورلیکنی شو قدَر کوچه‌یتیردیکی، افغانستان انسان حقوقلری کمیسیونسی کېچه طالبان قندهارده عامه‌وي قاتللیک و اوروش جنایتلری صادر اېتگنینی اعلان قیلدی.
اېندی اساسي سوال: طالبان نینگ قانلی و زۉرآور حرکتلری اوچون پاکستان حقیقتاً هم جوابگر بۉله‌دیمی؟ بو سوالگه جواب جوده عادي و روشن. دنیا، منطقه و افغانستان اوروشی نینگ اساسي ایلدیزی کوېته و پېشاورده اېکنلیگینی بیله‌دی، پاکستان جاسوسلیک خدمتی و پاکستان اردوسی هم تروریزم و اېکسترېمیزمنی قۉللب -قوّتلشی معلومدار موضوع دیر. لېکن بو مسأله‌گه آیدینلیک کیریتیش اوچون مؤلف نیمه اوچون پاکستان طالبانگه مسوول اېکنینی و جواب بېریش کېره‌کلیگینی کۉرسه‌تماقچی.
بیرینچیدن، پاکستان طالبلر اوچون خوفسیز باش‌پناه و استراتېژیک اویدیر، او اېرده گروه رهبرلری خوفسیز یشیدی. نه‌فقط دلیللر بار و دنیا و منطقه بیله‌دیکی، پاکستان طالبان جنگریلری، رهبرلری و عسکرلری اوچون پناه‌دیر؛ عکسینچه، یقینده پاکستان ایچکی ایشلر وزیری اۉز سۉزلریده بوموضوع‌ني اعتراف ایتیب
تن آلدی: طالبان سیاسي و حربي رهبرلری نینگ پاکستانده اویلری بار، گروه یاره‌دارلری و عسکرلری پاکستان شفاخانه‌لریده دوالنماقده و ساغه‌ییب کېتگه‌چ، اولر جنگ میدانیگه قَیتریله‌دی. افغانستانده‌گی اوروش پاکستان حدودیدن مالیه‌لشتیریلگن، اویوشتیریلگن و جهازلنگنی سببلی، بومملکت طالبلر نینگ هر قنده‌ی حرکتی اوچون جوابگردیر و بو مسوولیتنی اوز ذمّه‌سیدن آلیب تشلی‌آلمه‌یدی.
ایکّینچیدن، پاکستان حربی قۉتلری نینگ طالبان جنگچی لری تشکیل‌ده تۉغریدن -تۉغری اشتراکی، حتا مینگلب پاکستانلیک جنراللر و پاکستان جاسوسی اداره‌لرینینگ یوقاری لوازملی خادملری افغانستانده‌گی اوروشنی باشقه‌ریب، طالبان جنگچیلرینی قورال و اۉق – بیلن تأمینلنگنی ینه‌ده یقّال نمایان دیر. بوگون طالبان حربيل ی صفیده پاکستان جاسوسلیک خدمتی اعضالری بۉلگن پاکستانلیک شیخلر اوروشنی باشقه‌ره‌دیلر و افغانستان حکومتی و خلقی بیلن عملده کوره‌شه‌دیلر. بو شیخلر محلي طالبلر آره‌سیده کتّه کوچ و قدرت‌گه اېگه و اولر جماعت بنالرینی ویران قیلیب، قیرغین قیلیشه‌دی. شمالي ولایتلرده‌گی دلیللر شونی کۉرسه‌ته‌دیکی، پاکستان جاسوسلیک خدمتیگه (اې اس ای) قره‌شلی پاکستانلیک شیخلر مملکتده زۉرآورلیکلرنی ترقه‌تیش و جماعت بنالرینی ویران قیلیشده کوچلی قۉلی بار.
قچانکی، بیر، مملکت قاتللیک و زۉرآورلیک صادر اېته‌دیگن، تعلیم و تربیه بیریب، اسکونه‌لر و مبلغ بیلن تأمینله‌یدیگن ترورچی گروهنی جایلشتیرسه، باشقه تاماندن، افغانستانده‌گی مخالفت گروهی نینگ یاره‌دارلریگه اوروشنی باشقه‌ریش و یاره‌دارلرنی تأمینلش اوچون اۉز ملَکه‌لی عسکرلری و استرتېژیلرینی یوباره‌دی. ، قنده‌ی قیلیب او اۉز حرکتیدن تيیلیب، وجدان بیلن دعوا قیلیشی ممکنکی، بو مملکت افغانستانده‌گی گروه جنگچیلری نینگ حرکتلری اوچون جوابگر اېمس؟ پاکستان طالباننی ایچکی و خلق‌ارا سیاستیده و دیپلوماسی‌سیده آچیقدن -آچیق قۉللب -قوّتلب، اولرنی هر خیل قورال و اۉق بیلن تأمینله‌یدی.
پاکستانلیکلر نینگ طالبان حرکتلری و وحشيلیکلری اوچون جوابگرلیککه تارتیلیشی نینگ اوچینچی سببی-اونینگ منطقه‌ده‌گی و افغانستانده‌گی خلق‌ارا تروریزم و جهادچی جنگریلرگه هر تامانله‌مه علاقه‌دارلیگی دیر. پاکستان یوزلب تروریستی گروهلرگه مېزبانلیک قیله‌دی و اولرگه مالیوي و سیاسي حمایت اجره‌ته‌دی. بو قنده‌ی متناقض عمل دیر، بیر تاماندن، او مملکت نینگ ملي منفعتلری و حدودي یخلیتلیگیگه قرشی بۉلگن گروهنی مالیه‌لشتیردی و جایلشتیردی، بو تروریستی و زۉرآور گروه نینگ یوزلب اعضالری اوچون مشغولات جایلری و زۉرآورلیک وقتلرینی تقدیم اېتدی و کېینچه‌لیک بونی دعوا قیلدی. عوضیگه بیز اېنگ زۉرآور گروه اوچون جوابگر اېمسمیز ديدي.
پاکستان طالبان بیلن سیاسي-حربي علاقه‌لرنی اوزیب، گروه جنگچیلرینی قۉللب-قوّتلش، مالیه‌لشتیریش و اۉقیتیشنی تاخته‌تگنده، طالبان حرکتی اوچون جوابگر اېمس. بوندن تشقری، او طالبان نینگ سیاسي و حربي رهبرلرینی اۉز مملکتیدن چیقریب یوباریشی و ترورچی گروهلر و جهادچی جنگریلر بیلن علاقه‌نی اوزیشگه یۉل آچه‌شی لازم. عکس حالده، پاکستان طالباننی قۉللب -قوّتله‌گنیگه قره‌مه‌ی، گروه حرکتلری اوچون جوابگرلیکنی اۉز ذمّه‌سیگه آلمه‌یدی.
