افغانستان حربيلری تعلیماتی؛ ناتو قطرده قرارگاه تشکیل اېتیش اوچون مصلحتشماقده
رویترز خبرآژآنسی شمالي اتلانتیک تشکیلاتیی (ناتو) ایشانچلی منبعلریگه تهیهنیب خبر بېریشیچه، تشکیلات قطرده افغانستان مخصوص کوچلرینی تیارلش اوچون حربي قرارگاه تشکیل اېتیش مسألهسینی کۉریب چیقماقده..
بو خبرآژآنسی بوگون اېرتهلب ( سهشنبه ۲۵ جوزا)نشر ایتکن راپوریده ناتورهبرلری حلی بو بارهده یکوني کېلیشووگه اېریشمهگنلیگینی یازماقده. خبرده ایتیلیشیچه، بو حربي قرارگاه ، خارجي عسکرلرنی آلیب چیقیب کېتگنیدن اوچ آی اۉتگهچ افغانستان اردو قوتلرینی تعلیم بیریش اوچون ایشلهتیلیشی کېرهک..
عینِ پیتده امریکا جمهوررییسی جوبایدن ناتو نینگ بروکسل دهگی یغینی یکونلنیشی دن سۉنگ امریکا و اونینگ اتفاقچیلری افغانستاننی ینه تروریستیلر مرکزیگه ایلنیشیگه یۉل قۉیمسلیگینی ایتدی..
اونگه کۉره، امریکا و اونینگ افغانستاندهگی شریکلرینی دیپلوماتیک، اقتصادي و انسان پرورلیک یاردم و قۉللب-قوّتلشی دوام اېتهدی.
بوندن اوّلراق ناتو باش کاتبی یېنس ستولتنبرگ ناتونینگ افغان قۉشینلرینی خارجي مملکتلرده اۉقیتیش و تعلیم بیریش بۉییچه همکارلیکلری دوام اېتیشینی ایتگن اېدی.