افغانستان ملي پولیسی بیرلشکن‌ملتللر‌تشکیلاتی نینگ شرمنده‌لیک رۉیخطیدن چیقریلدی
neshananews
04 July 2021افغانستان تشقی ایشلر وزیرلیگی، افغانستان ملي پولیسی بیرلشکن‌ملتللر‌تشکیلاتی نینگ شرمنده‌لی رۉیخطیدن چیقریلگنینی اعلان قیلدی.
تشقی ایشلر وزیرلیگی بوگون ( یکشنبه ۱۳ سرطان) نشر ایتکن خبرنامه‌سیده بیرلشکن‌ملتللر‌تشکیلاتی باش کاتبی ۲۰۲۰ ییلگی حساباتیده افغانستان ملي پولیس‌سی نینگ باله‌لرنی پولیس ترکیبیگه جلب قیلینیشینی آلدینی آلیش و باله‌لرگه نسبتاً زۉروانلیکنی کمه‌یتیریش بۉییچه رېجه‌لرینی آلقیشلگن.
بیرلشگن ملتلر تشکیلاتی باش کاتبی نینگ “باله‌لر و حربي تۉقنه‌شوو” موضوعسیده‌گی معروضه‌سی یقینده اعلان قیلیندی. تشقی‌ایشلر‌وزیرلیگی بیاناتیده افغانستان ملي پولیسی حسابات نشر اېتیلگندن سۉنگ بیرلشکن‌ملتللر‌تشکیلاتی نینگ شرمنده‌لی رۉیخطیدن چیقریلدی.
تشقی ایشلر وزیرلیگی افغانستان ملي پولیسی نینگ رۉیخطدن چیقریلیشینی افغانستان حکومتی نینگ باله‌لرنی خوفسیزلیک کوچلری صفیگه یاللنیشیگه یۉل قۉیمسلیک تعهدی نینگ بېلگیسی صفتیده بهالب و بیرلشکن‌ملتللر‌تشکیلاتی نینگ بو باره‌ده‌گی حرکتلرینی ممنونیت بیلن قبول قیلدی.
تشقی ایشلر وزیرلیگی برچه خلق‌ارا تشکیلاتلردن اوروش گروه‌لری دایره‌سیده باله‌لرنی ایش بیلن تأمینلش نینگ آلدینی آلیش اوچون طالبان و باشقه تروریستیک گروه‌لرگه قرشی چیکلو و باسیم اعلان قیلیشلری‌ني طلب ایتکن.
افغانستان ملي پولیسی نینگ تشکیل ۲۰۰۱ ییلده ایجاد اېتیلگن و حاضرگی ترکیبی کون سیین کېنگه‌ییب بارماقده. رسمي حسابات و معلوماتلرگه کۉره، افغانستانده‌گی ملي پولیس کوچلری سانی ۱۶۰ مینگگه ېته‌دی.
